ಅಗರ್ವಾಲ್‌ ಯಶಸ್ಸಿಗೆ ವಿನಯ್‌ ಕಾರಣ: ಉತ್ತಪ್ಪ

ಬೆಂಗಳೂರು: ದಕ್ಷಿಣ ಆಫ್ರಿಕಾ ವಿರುದ್ಧದ ವಿಶಾಖಪಟ್ಟಣ ಟೆಸ್ಟ್‌ ಪಂದ್ಯದಲ್ಲಿ ಕರ್ನಾಟಕದ ಆರಂಭಕಾರ ಅಗರ್ವಾಲ್‌ ದ್ವಿಶತಕ ಬಾರಿಸಿ ಮೆರೆದದ್ದು ಈಗ ಇತಿಹಾಸ. ಅವರ ಈ ಯಶಸ್ಸಿಗೆ ಕರ್ನಾಟಕದ ಮಾಜಿ ನಾಯಕ ವಿನಯ್‌ ಕುಮಾರ್‌ ಅವರೇ ಕಾರಣ ಎಂದು ಈಗ ಕೇರಳ ಪರ ಆಡುತ್ತಿರುವ ರಾಬಿನ್‌ ಉತ್ತಪ್ಪ ಹೇಳಿದ್ದಾರೆ.

“2017ರ ರಣಜಿ ಋತುವಿನ ವೇಳೆ ಮಾಯಾಂಕ್‌ ಫಾರ್ಮ್ ಅಷ್ಟೇನೂ ಉತ್ತಮವಾಗಿರಲಿಲ್ಲ. ಅವರನ್ನು ತಂಡದಿಂದ ಕೈಬಿಡುವ ಬಗ್ಗೆ ಯೋಚಿಸಲಾಗಿತ್ತು. ಈ ಸಂದರ್ಭದಲ್ಲಿ ನಾಯಕ ವಿನಯ್‌ ಕುಮಾರ್‌ ಮಾಯಾಂಕ್‌ಗೆ ಸ್ಫೂರ್ತಿ ತುಂಬಿದರು. ಇದು ಫ‌ಲ ಕೊಟ್ಟಿತು. ಮಾಯಾಂಕ್‌ ತ್ರಿಶತಕ ಬಾರಿಸಿ ಮೆರೆದಾಡಿದರು. ಬಳಿಕ ಹಿಂದಿರುಗಿ ನೋಡಲಿಲ್ಲ…’ ಎಂದು ರಾಬಿನ್‌ ಉತ್ತಪ್ಪ ನೆನಪಿಸಿಕೊಂಡರು.

ಇದೇ ಸಂದರ್ಭದಲ್ಲಿ ಓಪನರ್‌ಗಳಾದ ರೋಹಿತ್‌ ಶರ್ಮ-ವೀರೇಂದ್ರ ಸೆಹವಾಗ್‌ ನಡುವೆ ತುಲನೆ ಮಾಡುವುದು ಸೂಕ್ತವಲ್ಲ ಎಂದೂ ಉತ್ತಪ್ಪ ಅಭಿಪ್ರಾಯಪಟ್ಟರು. ಇಬ್ಬರೂ ವಿಭಿನ್ನ ಶೈಲಿಯ ಆಟಗಾರರು ಎಂದರು.