ಉಗ್ರ ಕಸಬ್‌ನ ಕೋಣೆ ವಿಜಯ ಮಲ್ಯಗೆ ಸೇಫ್

ಮುಂಬಯಿ: ಸಾವಿರಾರು ಕೋಟಿ ಸಾಲ ಮಾಡಿ ವಿದೇಶಕ್ಕೆ ಹಾರಿರುವ ಉದ್ಯಮಿ ವಿಜಯ ಮಲ್ಯ ಅವರು ಗಡಿಪಾರಾದರೆ, ಅವರಿಗೆ ಮುಂಬಯಿನ ಆರ್ಥರ್‌ ರಸ್ತೆ ಜೈಲಿನಲ್ಲಿ ಉಗ್ರ ಕಸಬ್‌ ಇದ್ದ ಕೋಣೆಯೇ ಅತ್ಯಂತ ಸೇಫ್ ಎಂದು ಕೇಂದ್ರ ಸರಕಾರವು ಲಂಡನ್‌ ಕೋರ್ಟ್‌ಗೆ ವರದಿ ಕೊಟ್ಟಿದೆ.

ಮಲ್ಯ ಅವರನ್ನು ಹಸ್ತಾಂತರಿಸಿದ ಬಳಿಕ ಅವರ ಸುರಕ್ಷತೆಯ ಕುರಿತು ನ್ಯಾಯಾಲಯ ಎತ್ತಿದ ಆತಂಕಕ್ಕೆ  ಸರಕಾರ ಈ ವರದಿ ಮೂಲಕ ಉತ್ತರ ಕೊಟ್ಟಿದೆ. ಮಲ್ಯ ಭಾರತಕ್ಕೆ ಬಂದಾಗ ಅವರನ್ನು ಅತಿ ಭದ್ರತೆಯ ಜೈಲಿನಲ್ಲಿ ಇರಿಸಲಾಗುವುದು. ಇದಕ್ಕೆ ಪಾಕ್‌ ಉಗ್ರ ಕಸಬ್‌ ಕೋಣೆ ಸೂಕ್ತವಾಗಿದೆ ಎಂದು ಹೇಳಿದೆ. ಜೈಲಿನ ಸುರಕ್ಷತಾ ಕ್ರಮಗಳ ಕುರಿತು ಅಧಿಕಾರಿಗಳು ವರದಿ ಸಿದ್ಧಪಡಿಸಿ, ಸರಕಾರಕ್ಕೆ ಸಲ್ಲಿಸಿತ್ತು. ಅದನ್ನು ಸರಕಾರ ಕೋರ್ಟ್‌ಗೆ ನೀಡಿದೆ.