Vijay Hazare Trophy: ಅರುಣಾಚಲ ಎದುರಾಳಿ; ರಾಜ್ಯಕ್ಕೆ 4ನೇ ಜಯದ ನಿರೀಕ್ಷೆ

ಅಹ್ಮದಾಬಾದ್‌: ವಿಜಯ್‌ ಹಜಾರೆ ಟ್ರೋಫಿ ಏಕದಿನ ಪಂದ್ಯಾವಳಿಯ ಆರಂಭಿಕ ಮೂರೂ ಪಂದ್ಯಗಳನ್ನು ಗೆದ್ದಿರುವ ಕರ್ನಾಟಕ ಶನಿವಾರ ಅರುಣಾಚಲ ಪ್ರದೇಶವನ್ನು ಎದುರಿಸಲಿದೆ. ದುರ್ಬಲ ಎದುರಾಳಿಯಾದ ಕಾರಣ ಮಾಯಾಂಕ್‌ ಪಡೆ ಸತತ 4ನೇ ಜಯದ ನಿರೀಕ್ಷೆಯಲ್ಲಿದೆ.

“ಸಿ’ ಗುಂಪಿಲ್ಲಿರುವ ಕರ್ನಾಟಕ, ಹಿಂದಿನ ಪಂದ್ಯದಲ್ಲಿ ಪಂಜಾಬ್‌ ವಿರುದ್ಧ ಒಂದು ವಿಕೆಟ್‌ ರೋಚಕ ಜಯ ಗಳಿಸಿತ್ತು. ಮಧ್ಯಮ ವೇಗಿ ಅಭಿಲಾಷ್‌ ಶೆಟ್ಟಿ 5 ವಿಕೆಟ್‌ ಉರುಳಿಸಿ ಮಿಂಚಿದರೆ, ಮಾಯಾಂಕ್‌ ಅಗರ್ವಾಲ್‌ 139 ರನ್‌ ಸಿಡಿಸಿ ತಂಡಕ್ಕೆ ಆಧಾರವಾಗಿದ್ದರು. ಈ ಪಂದ್ಯದಲ್ಲಿ ಮಾಯಾಂಕ್‌ ಬಿಟ್ಟರೆ ಉಳಿದವರೆಲ್ಲ ವಿಫ‌ಲರಾಗಿದ್ದರು. ಹೀಗಾಗಿ ಅರುಣಾಚಲ ವಿರುದ್ಧ ಉತ್ತಮ ಬ್ಯಾಟಿಂಗ್‌ ಪ್ರದರ್ಶನ ನೀಡಬೇಕಿದೆ.

ಅರುಣಾಚಲ ಪ್ರದೇಶ ಆಡಿದ ಮೂರೂ ಪಂದ್ಯಗಳಲ್ಲಿ ಸೋಲನುಭವಿಸಿದೆ.