Actress ನಯನತಾರಾ ಸಂಸಾರದಲ್ಲಿ ಬಿರುಕು?: ಇನ್‌ಸ್ಟಾದಲ್ಲಿ ಪತಿಯ ಅನ್‌ಫಾಲೋ?

ಚೆನ್ನೈ: ನಟಿ ನಯನತಾರಾ ಇನ್‌ಸ್ಟಾಗ್ರಾಂನಲ್ಲಿ ತಮ್ಮ ಪತಿ ವಿಘ್ನೇಶ್‌ ಶಿವನ್‌ ಅವರನ್ನು ಅನ್‌ಫಾಲೋ ಮಾಡಿ,ಭಾವುಕ ಸ್ಟೇಟಸ್‌ ಬರೆದುಕೊಂಡಿದ್ದು ಭಾರೀ ಕುತೂಹಲಕ್ಕೆ ಕಾರಣವಾಯಿತು.

ಕಳೆದ ವರ್ಷ ಜೂ. 9ರಂದು ನಯನತಾರಾ ಮತ್ತು ವಿಘ್ನೇಶ್‌ ಮದುವೆಯಾದರು. ಅನಂತರ ಅಕ್ಟೋಬರ್‌ನಲ್ಲಿ ಬಾಡಿಗೆ ತಾಯಿ ಮೂಲಕ ಅವಳಿ ಮಕ್ಕಳನ್ನು ಪಡೆದರು. ಇತ್ತೀಚಿಗೆ ಮಕ್ಕಳಾದ ಉಯಿರ್‌, ಉಲಗ್‌ ಫೋಟೋವನ್ನು ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದರು. ಶನಿವಾರ, ಭಾವುಕ ಸ್ಟೇಟಸ್‌ ಬರೆದುಕೊಂಡಿದ್ದಾರೆ.

ವಿಘ್ನೇಶ್ ತಮ್ಮ ಇನ್‌ಸ್ಟಾಗ್ರಾಮ್ ಸ್ಟೋರೀಸ್‌ನಲ್ಲಿ ಪೋಸ್ಟ್ ಅನ್ನು ಹಂಚಿಕೊಂಡಿದ್ದು,  ವದಂತಿಗಳನ್ನು ಕೊನೆಗೊಳಿಸಿದ್ದಾರೆ. ನಯನತಾರಾ ಇನ್‌ಸ್ಟಾಗ್ರಾಮ್‌ನಲ್ಲಿ ಮತ್ತೆ ಫಾಲೋ ಮಾಡಿದ್ದಾರೆ. ನಯನತಾರಾ ವಿಘ್ನೇಶ್ ಅವರನ್ನು ‘ಅನ್ ಫಾಲೋ’ ಮಾಡಿದ್ದನ್ನು ಅಭಿಮಾನಿಗಳು ಗಮನಿಸಿದ ಕೆಲವೇ ಗಂಟೆಗಳ ನಂತರ ಇದು ನಡೆದಿದೆ.

ನಯನತಾರಾ ಅವರು ಬ್ಯೂಟಿ ಬ್ರ್ಯಾಂಡ್ 9 ಸ್ಕಿನ್ ಮುಂಬರುವ ಪ್ರಶಸ್ತಿ ಕಾರ್ಯಕ್ರಮದ ಶೀರ್ಷಿಕೆ ಪ್ರಾಯೋಜಕ ಪೋಸ್ಟ್ ಹಂಚಿಕೊಂಡಿರುವುದು ಎಂದು ತಿಳಿದು ಬಂದಿದೆ.