Advertisement
ಬಂಗಾರ ಪದಕಕ್ಕೆ ಕೊರಳೊಡ್ಡಿದ ಹಿರಿಮೆ ವಿಜಯ್‌ ಕುಮಾರ್‌ ದಹಿಯಾ ಅವರ ದಾಯಿತು. “ಕೆ.ಡಿ. ಜಾಧವ್‌ ರೆಸ್ಲಿಂಗ್‌ ಹಾಲ್‌’ನಲ್ಲಿ ನಡೆದ 57 ಕೆ.ಜಿ. ವಿಭಾಗದ ಫೈನಲ್‌ನಲ್ಲಿ ದಹಿಯಾ ತಜಿಕಿಸ್ಥಾನದ ಹಿಕ್ಮತುಲ್ಲೊ ವೊಹಿದೋವ್‌ ವಿರುದ್ಧ 10-0 ಅಂತರದ ಭರ್ಜರಿ ಗೆಲುವು ಸಾಧಿಸಿದರು.
65 ಕೆ.ಜಿ. ವಿಭಾಗದಲ್ಲಿ ಭಜರಂಗ್‌ ಪುನಿಯ ಬೆಳ್ಳಿ ಪದಕಕ್ಕೆ ಸಮಾಧಾನಪಡಬೇಕಾಯಿತು. ಅವರು 2-10 ಅಂತರದಿಂದ ಜಪಾನಿನ ಟಕುಟೊ ಒಟುಗುರೊ ವಿರುದ್ಧ ಸೋಲನುಭವಿಸಿದರು. ಇದು 2018ರ ವಿಶ್ವ ಚಾಂಪಿಯನ್‌ಶಿಪ್‌ ಫೈನಲ್‌ನ ರೀ-ಮ್ಯಾಚ್‌ ಆಗಿತ್ತಾದರೂ ಭಜರಂಗ್‌ ಸೇಡು ತೀರಿಸಿಕೊಳ್ಳುವಲ್ಲಿ ವಿಫ‌ಲರಾದರು. ಆದರೆ ಭಜರಂಗ್‌ ಅವರ ಫೈನಲ್‌ ಹಾದಿಯ ಪಯಣ ಅಮೋಘವಾಗಿತ್ತು. ತಜಿಕಿಸ್ಥಾನದ ಜಮ್ಶೆಡ್‌ ಶರಿಫೋವ್‌ ಅವರನ್ನು 11-0 ಅಂತರದಿಂದ, ಉಜ್ಬೆಕಿಸ್ಥಾನದ ಅಬ್ಬೊàಸ್‌ ರಕೊ¾ನೋವ್‌ ಅವರನ್ನು 12-2ರಿಂದ ಹಾಗೂ ಇರಾನಿನ ಜೂನಿಯರ್‌ ವಿಶ್ವ ಚಾಂಪಿಯನ್‌ ಅಮೀರ್‌ಹೊಸೇನ್‌ ಮಗ್‌ಶೌದಿ ಅವರನ್ನು 10-0 ಭರ್ಜರಿ ಅಂತರದಿಂದ ಚಿತ್‌ ಮಾಡಿದ್ದರು.
Related Articles
ಮೊದಲು ನಡೆದ 97 ಕೆ.ಜಿ. ವಿಭಾಗದ ಫೈನಲ್‌ನಲ್ಲಿ ಸತ್ಯವೃತ್‌ ಕಾದಿಯಾನ್‌ ಇರಾನ್‌ನ ಮೊಜ¤ಬ ಮೊಹಮ್ಮದ್‌ ಶಫಿ ವಿರುದ್ಧ ನಿರೀಕ್ಷಿತ ಪ್ರದರ್ಶನ ನೀಡುವಲ್ಲಿ ವಿಫ‌ಲರಾದರು. 0-10 ಭಾರೀ ಅಂತರದಿಂದ ಸೋಲು ಕಾಣಬೇಕಾಯಿತು. ಪಂದ್ಯದುದ್ದಕ್ಕೂ ಪಟ್ಟು ಸಡಿಲಿಸದ ಶಫಿ ಚಿನ್ನದ ಪದಕ ಗೆದ್ದು ಸಂಭ್ರಮಿಸಿದರು.
Advertisement
ಅನಂತರ ನಡೆದ 79 ಕೆ.ಜಿ. ವಿಭಾಗದ ಫೈನಲ್‌ ಸ್ಪರ್ಧೆಯಲ್ಲಿ ಗೌರವ್‌ ಬಲಿಯಾನ್‌ ಕಿರ್ಗಿಸ್ಥಾನದ ಅರ್ಸಾಲನ್‌ ಬುಡಝಪೋವ್‌ ವಿರುದ್ಧ ಅಮೋಘ ಹೋರಾಟ ತೋರ್ಪಡಿಸಿದರೂ ಚಿನ್ನದಿಂದ ದೂರವೇ ಉಳಿದರು. ಈ ಪಂದ್ಯದಲ್ಲಿ ಗೌರವ್‌ 5-7 ಅಂತರದ ಸೋಲು ಕಾಣಬೇಕಾಯಿತು. ಗೌರವ್‌ ಇದೇ ಮೊದಲ ಸಲ ಏಶ್ಯನ್‌ ಕುಸ್ತಿಯಲ್ಲಿ ಅಖಾಡಕ್ಕಿಳಿದಿದ್ದರು.
70 ಕೆ.ಜಿ. ವಿಭಾಗದ ಕಂಚಿನ ಪದಕದ ಸ್ಪರ್ಧೆಯಲ್ಲಿ ನವೀನ್‌ ಉಜ್ಬೆಕಿಸ್ಥಾನದ ಮಿರ್ಜಾನ್‌ ಅಶಿರೋವ್‌ ವಿರುದ್ಧ 1-12 ಅಂತರದ ಸೋಲುಂಡರು.