ವಾಹನ ಗುಜರಿ ನೀತಿ ಅಂತಿಮ : ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯದಿಂದ ನಿರ್ಧಾರ

ಹೊಸದಿಲ್ಲಿ : ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯವು ಶನಿವಾರ ಗುಜರಿ ವಾಹನ ನೀತಿಯ ನಿಯಮಗಳನ್ನು ಅಂತಿಮಗೊಳಿಸಿದೆ.

ವಾಹನಗಳ ಫಿಟ್ನೆಸ್ ಪರೀಕ್ಷೆ ನಡೆಸುವ ಅಟೊಮೇಟೆಡ್‌ ಟೆಸ್ಟಿಂಗ್‌ ಸ್ಟೇಶನ್‌ (ಎಟಿಎಸ್‌)ಗಳ ಪೂರ್ವ ನೋಂದಣಿ ಮತ್ತು ನೋಂದಣಿಗಳಿಗೆ ಏಕಗವಾಕ್ಷಿ ವ್ಯವಸ್ಥೆ ಇರಲಿದೆ.

ನಿಯಮಗಳ ಪ್ರಕಾರ ವ್ಯಕ್ತಿ ಅಥವಾ ಕಂಪೆನಿ ಸಂಘಟನೆ ಅಥವಾ ರಾಜ್ಯ ಸರಕಾರ ಎಟಿಎಸ್‌ ಆರಂಭಿಸಬಹುದು. ವಾಣಿಜ್ಯ ವಾಹನಗಳ ಫಿಟೆ°ಸ್‌ ಪರೀಕ್ಷೆಯನ್ನು 8 ವರ್ಷಗಳ ವರೆಗೆ ಪ್ರತೀ 2 ವರ್ಷಗಳಿಗೊಮ್ಮೆ, ಆ ಬಳಿಕ ಪ್ರತೀ ವರ್ಷ ನಡೆಸಬೇಕಿದೆ.

ವೈಯಕ್ತಿಕ ವಾಹನಗಳಿಗೆ 15 ವರ್ಷಗಳ ಬಳಿಕ ಮರುನೋಂದಣಿ ಸಂದರ್ಭ ಮತ್ತು ಬಳಿಕ ಪ್ರತೀ 5 ವರ್ಷಗಳಿಗೊಮ್ಮೆ ಮರು ನೋಂದಣಿ ಸಂದರ್ಭದಲ್ಲಿ ನಡೆಸಬೇಕಿದೆ.