ಮಾಡೆಲ್ ಗಿಗಿ ಹದಿದ್ ಎತ್ತಿದ್ದಕ್ಕೆ ಟ್ರೋಲ್‌: ತಿರುಗೇಟು ನೀಡಿದ ವರುಣ್ ಧವನ್; ವಿಡಿಯೋ

ಮುಂಬಯಿ: ನೀತಾ ಮುಖೇಶ್ ಅಂಬಾನಿ ಕಲ್ಚರಲ್ ಸೆಂಟರ್‌ನ ಅದ್ಧೂರಿ ಉದ್ಘಾಟನೆಯು ಜಗತ್ತಿನಾದ್ಯಂತದ ಗಣ್ಯರನ್ನು ವೇದಿಕೆಯಲ್ಲಿ ಒಂದಾಗಿಸಿತು. ಸಮಾರಂಭದಲ್ಲಿ ನಡೆದ ಒಂದು ಘಟನೆ ಭಾರಿ ಟ್ರೋಲ್ ಆಗಿದೆ. ಸಾಮಾಜಿಕ ಜಾಲ ತಾಣಗಳಲ್ಲಿ ವೈರಲ್ ಆಗುತ್ತಿರುವ ವಿಡಿಯೋದಲ್ಲಿ, ನಟ ವರುಣ್ ಧವನ್ ಹಾಲಿವುಡ್ ಸೂಪರ್ ಮಾಡೆಲ್ ಗಿಗಿ ಹದಿಡ್ ಅನ್ನು ತನ್ನ ತೋಳುಗಳಲ್ಲಿ ಎತ್ತುತ್ತಿರುವುದನ್ನು ಕಾಣಬಹುದು.

ಅನೇಕರು ಮಾಡೆಲ್ ಅಹಿತಕರ ಅನುಭವ ಹೊಂದಿದರು ಮತ್ತು ವರುಣ್ ಧವನ್ ಅವರ ನಡವಳಿಕೆಗಾಗಿ ದೂಷಿಸಿದರು ಎಂದು ಹೇಳಿಕೊಂಡಿದ್ದಾರೆ. ಅದೇ ಕಾರಣಕ್ಕೆ ನಟ ಸ್ಪಷ್ಟೀಕರಣವನ್ನು ನೀಡಿದ್ದು, ಇದು ಯೋಜಿತ ಕಾರ್ಯಕ್ರಮ ಎಂದು ಸ್ಪಷ್ಟನೆ ನೀಡಿದ್ದಾರೆ.

ಈವೆಂಟ್‌ನ ಎರಡನೇ ದಿನ ಶಾರುಖ್ ಖಾನ್, ರಣವೀರ್ ಸಿಂಗ್, ಪ್ರಿಯಾಂಕಾ ಚೋಪ್ರಾ ಸೇರಿದಂತೆ ಬಾಲಿವುಡ್‌ನ ಟಾಪ್ ಸೆಲೆಬ್ರಿಟಿಗಳಿಂದ ಆಕರ್ಷಕ ಪ್ರದರ್ಶನಗಳಿಗೆ ಸಾಕ್ಷಿಯಾಯಿತು.

ವೈರಲ್ ವಿಡಿಯೋದಲ್ಲಿ ಧವನ್ ಅವರು ಹದಿದ್ ಅವರನ್ನು ವೇದಿಕೆಗೆ ಆಹ್ವಾನಿಸಿ ತೋಳುಗಳಲ್ಲಿ ಎತ್ತಿಕೊಂಡು ಸುತ್ತುತ್ತಾರೆ. ನಂತರ, ಅವರು ಹದಿದ್ ಅವರ ಕೆನ್ನೆಯ ಮೇಲೆ ಮುತ್ತನ್ನು ನೀಡಿದರು. ಇಂಟರ್ನೆಟ್ ಬಳಕೆದಾರರು ಇದು “ಇಂಟರ್‌ನೆಟ್‌ನಲ್ಲಿ ಅತ್ಯಂತ ಮುಜುಗರದ ವಿಷಯ” ಎಂದು ಹೇಳಿದ್ದಾರೆ. ತಿರುಗೇಟು ನೀಡಿದ ಧವನ್ ಪ್ರದರ್ಶನವು “ಯೋಜಿತ” ಎಂದು ಹೇಳಿದ್ದಾರೆ.