ಪ್ರೇಮ ಪುಟದಲಿ ಗೀಚಿದ ಭಾವನೆಗಳ ಸಾಲು

ಇದೇನಾ ಪ್ರೀತಿ!???

ಗುಳಿ ಗೆನ್ನೆಯ ಆ ನಿನ್ನ ತುಂಟ  ನೋಟ

ಹುಣ್ಣಿಮೆಯ ಚಂದಿರನ ಮುಖಪುಟ

ಕಣ್ಣಲ್ಲೇ  ಸೆಳೆಯುವೆ ಮತ್ತೆ ಮತ್ತೆ ನೀನು

ಸೋತು ಹೊಗುವೆನೇಕೆ ಇನಿಯ ನಾನು!

 

ಪ್ರೀತಿಯ ಸಂಕೇತ ಆ ನಿನ್ನ ತುಡಿತ

ಕನಸಿನ  ಪ್ರತೀಕ ನನ್ನೀ ಮಿಡಿತ

ಭಾವನೆಯ ಬೀಡು ಆ ನಿನ್ನ ಹೃದಯ

ಅರ್ಪಿಸುವೆನು ನಿನಗೆ ನನ್ನೀ  ಆಲಯ

 

ಈರ್ಷೆ  ತುಂಬಿದ ಈ ಜಗದಲಿ

ಬೆಳಕಾಗಿ ಬರುವೆಯ ನನ್ನ  ಬಾಳಲಿ

ಬಂಧಿಯಗುವ ಬಯಕೆ ಬರುತಿದೆ ಇಂದು

ಜೊತೆಯಾಗಿ ಬಾಳುವ ಬದುಕಿಗೆಂದು

 

ಸಹನೆಯ ಸ್ವರೂಪ  ಆ ನಿನ್ನ ರೂಪ

ಮಾಯವಾಗಿಸುವೆ ಕ್ಷಣದಲಿ ನನ್ನೆಲ್ಲ ತಾಪ

ಕಟ್ಟುವೆಯ  ನನ್ನ ಬಾಳ  ತೋರಣವ

ಸದಾ ನೀಡುವೆನು  ನನ್ನ ಪ್ರೀತಿಯ  ಉತ್ತರವ

-ಸ್ವಾತಿ ನಾಯಕ್

 

 

ಈ ಜೀವದ ಸರ್ವಸ್ವವೇ ನನ್ನಾಕೆ।

ದಿನಾ ಅರಳೋ ಹೂ ಮನದಾಳಕೆ।।

ಎಂದೂ ಬಾಡದ ಪ್ರೀತಿ ಹೂವದು।

ನನಗಾಗಿ ಅರಳಿಹ ನನ್ನ ಹೂವದು।।

ಎನ್ನ ನೆರಳ ನೀ ಹಿಂಬಾಲಿಸಿಲ್ಲ।

ನನ್ನ ನೆರಳು ನೀನಾದೆಯಲ್ಲ।।

ಛಾಯೆಯೊಳ ನೋಡ ನಿನ್ನ ನಲ್ಲ।

ನನ್ನವಳ ಛಾಯೆ ನಾನಾದೆಯಲ್ಲ।।

–ಸಿಧ್ದಿ ಕೊಲ್ಯ

 

ಅವನೆಂದರೆ,

 ಹೃದಯಕ್ಕೊಂದು ಪುಳಕ….

 ಮನದಲ್ಲೊಂದು ನವಿರಾದ ಭಾವ..

 ನೆನಪುಗಳಲ್ಲಿನ ಮಾಧುರ್ಯತೆ…..

 ಕನಸುಗಳಿಗೊಂದು ಹೊಸ ಪರಿಚಯ….

 ಪ್ರೀತಿಯ ಲೋಕದೊಳಗೆ ಕರೆದೊಯ್ಯುವ ಮಾಂತ್ರಿಕ….

-ಅನು ವೆಂಕಟೇಶ್