24 ವರ್ಷಗಳ ಅನಂತರ ಓಪನ್‌ ಆದ ಲಿಫ್ಟ್ ನಲ್ಲಿ ಸಿಕ್ಕಿತು ಅಸ್ಥಿಪಂಜರ! 

ಲಕ್ನೋ: 24 ವರ್ಷಗಳ ಹಿಂದೆ ಕೆಟ್ಟು ನಿಂತಿದ್ದ ಲಿಫ್ಟ್ ಒಂದನ್ನು ದುರಸ್ತಿ ಮಾಡಲು ಅದರ ಬಾಗಿಲು ತೆರೆದಾಗ ಅದರಲ್ಲಿ ಪುರುಷನ ಅಸ್ಥಿಪಂಜರವೊಂದು ಕಂಡುಬಂದಿದೆ.

ಉತ್ತರ ಪ್ರದೇಶದ ಬಸ್ತಿ ಜಿಲ್ಲೆಯ ಕೈಲಿ ಪ್ರಾಂತ್ಯದಲ್ಲಿರುವ 500 ಹಾಸಿಗೆ ಸಾಮರ್ಥ್ಯದ ಒಪೆಕ್‌ ಆಸ್ಪತ್ರೆಯಲ್ಲಿ ನಡೆದ ಘಟನೆ ನಡೆದಿದೆ.

1991ರಲ್ಲಿ ಈ ಆಸ್ಪತ್ರೆಯ ನಿರ್ಮಾಣ ಶುರುವಾ ಗಿತ್ತು. ನಿರ್ಮಾಣದ ಅನುಕೂಲಕ್ಕಾಗಿ ಈ ಲಿಫ್ಟ್ ನಿರ್ಮಿಸಲಾಗಿತ್ತು. 1997ರಲ್ಲಿ ಅದು ಕೆಟ್ಟು ಹೋಗಿತ್ತು. ಆಗಿನಿಂದ ಈ ಲಿಫ್ಟ್ ದುರಸ್ತಿಯಾಗಿರಲಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ. ಅಸ್ಥಿಪಂಜರದ ಡಿಎನ್‌ಎ ಪರೀಕ್ಷೆ ಪ್ರಕ್ರಿಯೆ ಆರಂಭಿಸಲಾಗಿದೆ.

ಮತ್ತೂಂದೆಡೆ, ಪೊಲೀಸರು 24 ವರ್ಷಗಳ ಹಿಂದೆ ಆ ಪ್ರಾಂತ್ಯದಲ್ಲಿ ಕಾಣೆಯಾಗಿ ಈವರೆಗೆ ಅವರ ಸುಳಿವು ಪತ್ತೆಯಾಗದವರ ಮಾಹಿತಿ ಪರಿಶೀಲನೆಯಲ್ಲಿ ತೊಡಗಿದ್ದಾರೆ.