ಆ್ಯಂಬುಲೆನ್ಸ್‌ಗೆ ದಾರಿ ಬಿಟ್ಟ ಉತ್ತರ ಪ್ರದೇಶ ಸಿಎಂ ಯೋಗಿ

ಲಕ್ನೋ: ಮುಖ್ಯಮಂತ್ರಿಗಳ ವಾಹನ ಸಾಗುತ್ತಿದೆ ಎಂದರೆ ಎಲ್ಲ ವಾಹನಗಳನ್ನು ತಡೆದು, ಸಿಎಂ ವಾಹನಕ್ಕೆ ದಾರಿ ಮಾಡಿಕೊಡಲಾಗುತ್ತದೆ. ಆದರೆ ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್‌ ಅವರು, ತಮ್ಮ ವಾಹನವನ್ನೇ ನಿಲ್ಲಿಸಿ, ಆ್ಯಂಬುಲೆನ್ಸ್‌ಗೆ ದಾರಿ ಮಾಡಿಕೊಟ್ಟು ಸುದ್ದಿಯಾಗಿದ್ದಾರೆ.

ಗುರುವಾರ ಯೋಗಿ ಹಜರತ್‌ಗಂಜ್‌ನಿಂದ ಬಂಡಾರಿಯಾಬಾಗ್‌ಗೆ ತೆರಳುತ್ತಿದ್ದರು.

ಅದಕ್ಕೆಂದು ಎಲ್ಲ ವಾಹನಗಳನ್ನು ತಡೆಯಲಾಗಿತ್ತು. ಆದರೆ ನಿಂತಿರುವ ವಾಹನಗಳಲ್ಲಿ ಆ್ಯಂಬುಲೆನ್ಸ್‌ ಕೂಡ ಇರುವುದನ್ನು ಗಮನಿಸಿದ ಯೋಗಿ, ತಮ್ಮ ವಾಹನವನ್ನು ರಸ್ತೆ ಬದಿಯಲ್ಲಿ ನಿಲ್ಲಿಸಲು ಹೇಳಿ, ಆ್ಯಂಬುಲೆನ್ಸ್‌ ತೆರಳಿದ ಅನಂತರವೇ ಸಂಚಾರ ಆರಂಭಿಸಿದ್ದಾರೆ. ಅಲ್ಲಿದ್ದ ವಾಹನಗಳ ಮಾಲಕರು ಸಿಎಂ ನಡೆಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.