ಉತ್ತರ ಕನ್ನಡ: 31 ರಂದು ರಾತ್ರಿ 8 ರಿಂದಲೇ ನೈಟ್ ಕರ್ಪ್ಯೂ

ಕಾರವಾರ: ಉತ್ತರ ಕನ್ನಡ ಜಿಲ್ಲೆಯಲ್ಲಿ ರಾಜ್ಯ ಸರಕಾರದ ಸೂಚನೆ ಹಾಗೂ ಕೊವಿಡ್ ತಡೆಯ ಹಿನ್ನೆಲೆಯಲ್ಲಿ ಡಿಸೆಂಬರ್ 31 ರಾತ್ರಿ ಮಾತ್ರ, 8 ಗಂಟೆಯಿಂದ ಬೆಳಗಿನ ಜಾವದ ವರೆಗೆ ನೈಟ್ ಕರ್ಪ್ಯೂ ಜಾರಿ ಮಾಡಲಾಗಿದೆ ಎಂದು ಜಿಲ್ಲಾಧಿಕಾರಿ ಮುಲ್ಲೈ ಮುಗಿಲನ್ ಹೇಳಿದ್ದಾರೆ‌ .

ಬುಧುವಾರ ಅವರು ಮಾಧ್ಯಮಗಳ ಜೊತೆ ಮಾತನಾಡಿ, ಹೊಟೆಲ್, ರೆಸಾರ್ಟ್ ಬುಕ್ ಮಾಡಿಕೊಂಡವರು ಅಲ್ಲಲ್ಲಿ ಉಳಿಯಬೇಕು. ಗುಂಪು ಸೇರಬಾರದು. ಹಾಗೂ ಬೀಚ್ ಗಳಲ್ಲಿ ಹೊಸ ವರ್ಷಾಚರಣೆಗೆ ಗುಂಪು ಸೇರುವ ಸಾಧ್ಯತೆ ಹಿನ್ನೆಲೆಯಲ್ಲಿ ಕರ್ಪ್ಯೂ ಹಾಕಲಾಗಿದೆ. ಹತ್ತು ಗಂಟೆಯಿಂದ ಜನರನ್ನು ನಿಯಂತ್ರಣ ಮಾಡುವುದು ಕಷ್ಟ.ಹಾಗಾಗಿ 8 ಗಂಟೆಯಿಂದ ಜನ ಗುಂಪು ಸೇರಲು ನಿಷೇಧ ಹೇರಲಾಗಿದೆ ಎಂದರು.

ಕೋವಿಡ್ ನಿಯಂತ್ರಣಕ್ಕೆ ಜನರ ಹಿತದೃಷ್ಟಿಯಿಂದ ಬಿಗಿ ಕ್ರಮಗಳನ್ನು ಮಾಡಲಾಗಿದೆ. ಸಾರ್ವಜನಿಕರು ಸಹಕರಿಸಲು ಜಿಲ್ಲಾಧಿಕಾರಿ ವಿನಂತಿಸಿದರು.