ಅಮೆರಿಕದಲ್ಲಿ ಪಾಕ್‌ ರಾಯಭಾರಿಗಳಿಗೆ ಇನ್ನು ವಿಶೇಷ ತೆರಿಗೆ ವಿನಾಯಿತಿ ಇಲ್ಲ

ಇಸ್ಲಾಮಾಬಾದ್‌/ವಾಷಿಂಗ್ಟನ್‌ : ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಆಡಳಿತೆ ಪಾಕ್‌ ರಾಯಭಾರಿಗಳಿಗೆ ಪ್ರಯಾಣ ನಿರ್ಬಂಧ ಹೇರಿದ ಒಂದು ವರ್ಷದ ತರುವಾಯ ಇದೀಗ ಅವರಿಗಿರುವ ವಿಶೇಷ ತೆರಿಗೆ ವಿನಾಯಿತಿಯನ್ನು ಅಮೆರಿಕ ಹಿಂದೆಗೆದುಕೊಂಡಿದೆ.

ವರ್ಷದ ಹಿಂದೆ ಪ್ರಯಾಣ ನಿರ್ಬಂಧ ಹೇರಲಾಗಿದ್ದ ಪರಿಣಾಮವಾಗಿ ಪಾಕ್‌ ರಾಯಭಾರಿಗಳು ತಮ್ಮನ್ನು ಕರ್ತವ್ಯಕ್ಕೆ ನಿಯೋಜಿಸಲಾದ ಸ್ಥಳದಿಂದ 40 ಕಿ.ಮೀ. ಫಾಸಲೆಗೆ ಸೀಮಿತರಾಗಿದ್ದರು.

ಸಾಮಾನ್ಯವಾಗಿ ವಿದೇಶಿ ರಾಜತಂತ್ರಜ್ಞರು ಮತ್ತು ಕಾನ್ಸುಲರ್‌ಗಳಿಗೆ ಮಾರಾಟ, ಬಳಕೆ, ವಾಸ್ತವ್ಯ, ಆಹಾರ, ವಿಮಾನಯಾನ, ಪೆಟ್ರೋಲ್‌ ಮತ್ತು ನಿತ್ಯ ಬಳಕೆ ವಸ್ತುಗಳ ಮೇಲೆ ತೆರಿಗೆ ವಿನಾಯಿತಿನ್ನು “ರಾಜತಾಂತ್ರಿಕ ತರಿಗೆ ವಿನಾಯಿತಿ ಯೋಜನೆ’ಯಡಿ ನೀಡಲಾಗುತ್ತದೆ.

ಪಾಕ್‌ ಅಧಿಕಾರಿಗಳಿಗೆ ಈ ವಿಶೇಷ ತೆರಿಗೆ ವಿನಾಯಿತಿಯನ್ನು ನೀಡುವ ನಿರ್ಧಾರವನ್ನು ಟ್ರಂಪ್‌ ಆಡಳಿತೆ ಕಳೆದ ಮೇ 15ರಂದು ತೆಗೆದುಕೊಂಡಿತ್ತು.