US Open 2023: ರನ್ನಪ್ ಅಪ್ ಆದ ಬೋಪಣ್ಣ- ಮ್ಯಾಥ್ಯೂ ಜೋಡಿ

ನ್ಯೂಯಾರ್ಕ್‌: ಯುಎಸ್‌ ಓಪನ್‌ ಟೆನಿಸ್‌ನ ಪುರುಷರ ಡಬಲ್ಸ್‌ ಫೈನಲ್‌ ನಲ್ಲಿ ರೋಹನ್‌ ಬೋಪಣ್ಣ ಮತ್ತು ಮ್ಯಾಥ್ಯೂ ಎಂಬ್ಡೆನ್‌ ಜೋಡಿಯು ರಾಜೀವ್‌ ರಾಮ್‌ ಮತ್ತು ಜೋ ಸಾಲಿಸ್‌ಬರಿ ಜೋಡಿ ವಿರುದ್ಧ ಸೋತು ರನ್ನರ್‌ ಅಪ್‌ ಆಗಿದೆ.

ಈ ಜೋಡಿಯು ಹಾಲಿ ಚಾಂಪಿಯನ್‌ ಆಗಿದ್ದು, ಪಂದ್ಯದ ಮೇಲೆ ಸಂಪೂರ್ಣ ಹಿಡಿತ ಸಾಧಿಸಿತು. ವಿಚಿತ್ರವೆಂದರೆ, ಮೊದಲ ಸೆಟ್‌ನಲ್ಲಿ ಬೋಪಣ್ಣ ಜೋಡಿಯು 6-2 ಸೆಟ್‌ಗಳ ಅಂತರದಲ್ಲಿ ಗೆದ್ದಿತ್ತು.

ಇದನ್ನೂ ಓದಿ:Mangaluru; ಡಾ.ಶಂಸುಲ್ ಇಸ್ಲಾಂ ಉಪನ್ಯಾಸಕ್ಕೆ ಎಬಿವಿಪಿ ವಿರೋಧ

ಆದರೆ, ಎರಡು ಮತ್ತು ಮೂರನೇ ಸೆಟ್‌ನಲ್ಲಿ ರಾಜೀವ್‌ ರಾಮ್‌ ಜೋಡಿ ಹಿಡಿತ ಸಾಧಿಸಿತು. ಕಡೆಗೆ 2-6, 6-3 ಮತ್ತು 6-3 ಸೆಟ್‌ ಗಳ ಅಂತರದಲ್ಲಿ ಬೋಪಣ್ಣ ಜೋಡಿ ಸೋಲೋಪ್ಪಿಕೊಂಡಿತು. ರಾಜೀವ್‌ ರಾಮ್‌ ಜೋಡಿಯು ಮತ್ತೊಂದು ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿತು.

43 ವರ್ಷ 6 ತಿಂಗಳ ವಯಸ್ಸಿನ ಬೋಪಣ್ಣ ಅವರು ಓಪನ್ ಯುಗದಲ್ಲಿ ಅತ್ಯಂತ ಹಿರಿಯ ಗ್ರ್ಯಾಂಡ್ ಸ್ಲಾಮ್ ಫೈನಲಿಸ್ಟ್ ಆದರು.