US; ನನ್ನ ಹತ್ಯೆಗೆ ಜೋಬೈಡೆನ್‌ ಸಂಚು: ಚುನಾವಣೆಗೂ ಮುನ್ನ ಟ್ರಂಪ್‌ ಆರೋಪ

ನ್ಯೂಯಾರ್ಕ್‌: ಅಮೆರಿಕ ಅಧ್ಯಕ್ಷೀಯ ಚುನಾವಣೆ ಹತ್ತಿರವಾಗುತ್ತಿರುವಂತೆಯೇ ನನ್ನ ಕೊಲೆಗೆ ಅಧ್ಯಕ್ಷ ಜೋ ಬೈಡೆನ್‌ ಸಂಚು ರೂಪಿಸಿದ್ದರು ಎಂದು ಮಾಜಿ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಆರೋಪಿಸಿದ್ದಾರೆ. ಆದರೆ ಇದು ಸುಳ್ಳು ಎಂದು ಎಫ್ಬಿಐ ಹೇಳಿದೆ.

2022ರಲ್ಲಿ ಮಾರ್‌-ಅ-ಲಾಗೋ ರೆಸಾರ್ಟ್‌ನಲ್ಲಿ ಎಫ್ಬಿಐ ಶೋಧ ನಡೆಸುವ ಸಮಯದಲ್ಲಿ ನನ್ನನ್ನು ಕೂಡಿಹಾಕಲಾಗಿತ್ತು ಎಂದು ಟ್ರಂಪ್‌ ಮಂಗಳವಾರ ಹೇಳಿದ್ದಾರೆ. ಇದರ ಬೆನ್ನಲ್ಲೇ ಪ್ರತಿಕ್ರಿಯಿಸಿರುವ ಎಫ್ಬಿಐ, ಅಲ್ಲಿ ಯಾವುದೇ ಹತ್ಯೆ ಯತ್ನ ನಡೆದಿಲ್ಲ. ಬೈಡೆನ್‌ ಯೋಜನೆ ರೂಪಿಸಿದ್ದಾರೆ ಎಂದು ಟ್ರಂಪ್‌ ಸುಳ್ಳು ಆರೋಪ ಮಾಡುತ್ತಿದ್ದಾರೆ ಎಂದು ಹೇಳಿದೆ.