Advertisement
ಲೂಯಿಸ್‌ ಸೂರೆಜ್‌ ಅವರ ಸ್ಪಾಟ್‌ ಕಿಕ್‌ ಹೊಡೆತವನ್ನು ಗಾಲೆಸ್‌ ರಕ್ಷಿಸಿದ ಬಳಿಕ ಎಡಿಸನ್‌ ಫ್ಲೋರ್ ನಿರ್ಣಾಯಕ ಪೆನಾಲ್ಟಿಯಲ್ಲಿ ಗೋಲು ಹೊಡೆದೊಡನೆ ಪೆರು ವಿಜಯೋತ್ಸವ ಆಚರಿಸಿತು. ಇದರೊಂದಿಗೆ ಕಳೆದ 4 ಕೂಟಗಳಲ್ಲಿ ಪೆರು ಮೂರನೇ ಬಾರಿ ಸೆಮಿಫೈನಲಿಗೇರಿದ ಸಾಧನೆ ಮಾಡಿದೆ.
ಪೆರು ಬುಧವಾರ ನಡೆಯುವ ಎರಡನೇ ಸೆಮಿಫೈನಲ್‌ ಹೋರಾಟದಲ್ಲಿ ಚಿಲಿ ತಂಡದ ಸವಾಲನ್ನು ಎದುರಿಸಲಿದೆ. ಚಿಲಿ ಮೊದಲ ಕ್ವಾರ್ಟರ್‌ ಫೈನಲ್‌ ಪಂದ್ಯದಲ್ಲಿ ಪೆನಾಲ್ಟಿ ಶೂಟೌಟ್‌ನಲ್ಲಿಯೇ ಕೊಲಂಬಿಯವನ್ನು 5-4 ಗೋಲುಗಳಿಂದ ಸೋಲಿಸಿತ್ತು. 1939 ಮತ್ತು 1975ರಲ್ಲಿ ಪ್ರಶಸ್ತಿ ಗೆದ್ದಿರುವ ಪೆರು, 4 ವರ್ಷಗಳ ಹಿಂದೆ ನಡೆದ ಕೊಪಾ ಪಂದ್ಯಾಟದ ಸೆಮಿಫೈನಲ್‌ನಲ್ಲಿ ಚಿಲಿಗೆ ಶರಣಾಗಿತ್ತು. ಈ ಬಾರಿ ಸೇಡು ತೀರಿಸಿಕೊಳ್ಳುವ ಅವಕಾಶ ಪೆರುಗೆ ಲಭಿಸಿದೆ.
Related Articles
Advertisement
ಈ ಕೂಟದ 3 ಕ್ವಾರ್ಟರ್‌ ಫೈನಲ್‌ ಪಂದ್ಯಗಳು ನಿಗದಿತ ಅವಧಿಯಲ್ಲಿ ಗೋಲುರಹಿತವಾಗಿದ್ದವು ಮತ್ತು ಪೆನಾಲ್ಟಿ ಶೂಟೌಟ್‌ನಲ್ಲಿ ಫ‌ಲಿತಾಂಶ ಬಂದಿತ್ತು. ಆರ್ಜೆಂಟೀನಾ-ವೆನೆಜುವೇಲ ನಡುವಣ ಕ್ವಾರ್ಟರ್‌ ಫೈನಲ್‌ ಪಂದ್ಯ ಮಾತ್ರ ನಿಗದಿತ ಅವಧಿಯಲ್ಲಿ ಸ್ಪಷ್ಟ ಫ‌ಲಿತಾಂಶದೊಂದಿಗೆ ಮುಗಿದಿತ್ತು