Advertisement
ಇಲ್ಲಿನ ಇಂದ್ರಪ್ರಸ್ಥ ವಿದ್ಯಾಲಯದಲ್ಲಿ ಯೋಜಿಸಲ್ಪಟ್ಟ ಮೆಟ್ರಿಕ್‌ ಮೇಳವನ್ನು ಉದ್ಘಾಟಿಸಿ ಅವರು ಮಾತನಾಡುತ್ತಿದ್ದರು. ಮುಖ್ಯ ಅತಿಥಿಯಾಗಿ ಭಾಗವಹಿಸಿದ ಉದ್ಯಮಿ ಮುರಳೀಧರ ಕೆ. ಮಾತನಾಡಿ, ಮಕ್ಕಳಲ್ಲಿ ಜೀವನ ಪಾಠವನ್ನು ಕಲಿಸುವ ಕಾರ್ಯವನ್ನು ಹಮ್ಮಿಕೊಳ್ಳುವ ಮೂಲಕ ಯಶಸ್ವಿಯಾಗಿದೆ ಎಂದರು.
ಮೆಟ್ರಿಕ್‌ ಮೇಳದಲ್ಲಿ ತರಕಾರಿ ಮಾರಾಟ ಮಳಿಗೆಯನ್ನು ನಿರ್ವಹಿಸಿದ ವಿದ್ಯಾರ್ಥಿಗಳ ಪೈಕಿ ಸಿಯಾಬ್‌ ಎಂಬ ಪಿಯುಸಿ ವಿದ್ಯಾರ್ಥಿ ಚೌಕಾಸಿ ಮನೋಭಾವದ ಗ್ರಾಹಕರನ್ನು ನಿಭಾಯಿಸಿದ ಶೈಲಿ ಗಮನ ಸೆಳೆಯಿತು. ಹಾರಾರ್‌ ಶೋ ಎಂಬ ಹೆಸರಿನ ಭಯಾನಕ ಜಗತ್ತನ್ನು ಸೃಷ್ಟಿಸಿದ ಪ್ರಥಮ ಪಿಯುಸಿ ವಿದ್ಯಾರ್ಥಿಗಳ ಶ್ರಮಕ್ಕೆ ಶ್ಲಾಘನೆ ವ್ಯಕ್ತವಾಯಿತು. ಅತೀ ಹೆಚ್ಚು ವೀಕ್ಷಕರು ನೆರೆದಿದ್ದು, ಸ್ಥಳದ ಅಭಾವ ಉಂಟಾಗಿತ್ತು. ಭಯ ಹಾಗೂ ಮನೋರಂಜನೆಯನ್ನು ಒದಗಿಸಲು ಸಫ‌ಲತೆ ಕಾಣುವುದರೊಂದಿಗೆ ನಮ್ಮ ಶ್ರಮ ಯಶಸ್ವಿಯಾಗಿದೆ ಎಂದು ತಂಡದ ಸದಸ್ಯ ವರುಣ್‌ ಹರಿಪ್ರಸಾದ್‌ ಸಂತಸ ವ್ಯಕ್ತಪಡಿಸಿದರು. ಬಹು ಬೇಡಿಕೆಯ ಗಂಜಿ ಊಟ
ಮೇಳದಲ್ಲಿ ವಿದ್ಯಾರ್ಥಿಗಳೇ ನಿರ್ವಹಿಸಿದ ಹೊಟೇಲ್‌ ಉದ್ಯಮದಲ್ಲಿ ಬಗೆ ಬಗೆಯ ತಿಂಡಿಗಳು, ಚಹಾ ಮಾರಾಟವಾಗಿದ್ದು, ಮಧ್ಯಾಹ್ನದ ವೇಳೆ ಗಂಜಿ ಊಟ, ತೊಂಡೆಕಾಯಿ ಪಲ್ಯ, ಸಾಂಬಾರು, ಹುರುಳಿ ಚಟ್ನಿ, ಕಾಯಿಸಿದ ಮೆಣಸು, ಜೈನರ ಶೈಲಿಯ ಉಪ್ಪಿನಕಾಯಿ ನೀಡಲಾಗಿದ್ದು, ಬಹು ಬೇಡಿಕೆ ಪಡೆಯಿತು. ಹೊಟೇಲ್‌ ಕಾರ್ಮಿಕರಾಗಿ ಶ್ರಮಿಸಿದ ವಿದ್ಯಾರ್ಥಿಗಳ ಕಾರ್ಯಶೈಲಿಯು ಸ್ನೇಹಪರತೆ ಹಾಗೂ ವೃತ್ತಿಪರತೆ ಕಂಡು ಬಂದಿತ್ತು.
Related Articles
Advertisement
ವ್ಯಾಪಾರಿಗಳಾದ ವಿದ್ಯಾರ್ಥಿಗಳುನಮ್ಮ ಮಳಿಗೆಗೆ ಬನ್ನಿ ಎನ್ನುತ್ತಿದ್ದ ವಿದ್ಯಾರ್ಥಿಗಳು ತಮ್ಮ ವ್ಯಾಪಾರ ಶೈಲಿಗೆ ಶಕ್ತಿ ತುಂಬಿದರು. ಎಳನೀರು, ಪುಂಡಿ ಗಸಿ, ಪಲಾವ್‌, ಅವಲಕ್ಕಿ, ತಂಪಾದ ಕಬ್ಬಿನ ಹಾಲು, ಸೌಂದರ್ಯವರ್ಧಕ, ಆಭರಣ, ಪಾತ್ರೆ ಪಗಡಿಗಳು, ತರಕಾರಿ, ತಿಂಡಿ ತಿನಸುಗಳು – ಹೀಗೆ ಬಹು ಬಗೆಯ ವಸ್ತುಗಳಿಗಾಗಿ ನಮ್ಮ ಮಳಿಗೆಗೆ ಬನ್ನಿ ಎಂದು ಕೈ ಬೀಸಿ ಕರೆಯುವ ಪುಟಾಣಿ ವ್ಯಾಪಾರಿಗಳು, ತ್ರಿಡಿ ಶೋ, ಯಕ್ಷಿಣಿ ವಿದ್ಯೆ, ಕಲಾ ಜಗತ್ತು ಕನಿಷ್ಠ ಬಂಡವಾಳದಲ್ಲಿ ಗರಿಷ್ಠ ಆದಾಯವನ್ನು ತಂದುಕೊಟ್ಟವು.