ಯುಪಿಐ ಪಾವತಿ 90.20 ಕೋಟಿ ವಹಿವಾಟು

ಫೋನ್‌ಪೇಗೆ ಮತ್ತೆ ಅಗ್ರಸ್ಥಾನ :

ಯುಪಿಐನ ಡಿಸೆಂಬರ್‌ನ ವಹಿವಾಟಿನಲ್ಲಿ ಫೋನ್‌ಪೇಯು ಗೂಗಲ್‌ ಪೇ ಅನ್ನು ಹಿಂದಿಕ್ಕಿದೆ. ಎನ್‌ಪಿಸಿಐನ ಮಾಹಿತಿಯ ಪ್ರಕಾರ, ಡಿಸೆಂಬರ್‌ನಲ್ಲಿ ಫೋನ್‌ಪೇ ಮೂಲಕ 90.20 ಕೋಟಿ ವಹಿವಾಟು ನಡೆದಿದೆ. ಇದು ತಿಂಗಳಿನ ಅತೀ ಹೆಚ್ಚಿನ ಪ್ರಮಾಣವಾಗಿದ್ದು ಗೂಗಲ್‌ಪೇ ಅನ್ನು ಹಿಂದಿಕ್ಕಿದೆ. ನವೆಂಬರ್‌ಗೆ ಹೋಲಿಸಿದರೆ ಫೋನ್‌ಪೇ ಡಿಸೆಂಬರ್‌ನಲ್ಲಿ ಶೇ. 3.87ರಷ್ಟು ಚೇತರಿಕೆ ಕಂಡಿದೆ.

ಗೂಗಲ್‌ ಪೇ 85.44 ಕೋಟಿ ವಹಿವಾಟು :

ಗೂಗಲ್‌ ಪೇ ನವೆಂಬರ್‌ ತಿಂಗಳಿಗೆ ಹೋಲಿಸಿದರೆ ಡಿಸೆಂಬರ್‌ನಲ್ಲಿ ಶೇ. 11ರಷ್ಟು ಕುಸಿತ ಕಂಡಿದೆ. ಡಿಸೆಂಬರ್‌ನಲ್ಲಿ 85.44 ಕೋಟಿ ವಹಿವಾಟು ನಡೆಸುವುದರ ಮೂಲಕ ಪೋನ್‌ ಪೇ ಬಳಿಕದ ಸ್ಥಾನ ಪಡೆಯಿತು. ಗೂಗಲ್‌ ಪೇನ ಡಿಸೆಂಬರ್‌ ತಿಂಗಳ ವಹಿವಾಟಿನ ಮೌಲ್ಯ 1.76 ಲಕ್ಷ ಕೋ. ರೂ. ನವೆಂಬರ್‌ ತಿಂಗಳಿನಲ್ಲಿ ಗೂಗಲ್‌ ಪೇ 1.61 ಲಕ್ಷ ಕೋ.ರೂ. ಮೌಲ್ಯದ 96 ಕೋಟಿ ವಹಿವಾಟು ನಡೆಸಿತ್ತು.

ಶೇ.78ರ ಪಾಲು :

ಗೂಗಲ್‌ ಮತ್ತು ಫೋನ್‌ಪೇ  ಯುಪಿಐ  ಮಾರುಕಟ್ಟೆಯನ್ನು ಬಹು ತೇಕ ತಮ್ಮ ಹಿಡಿತಕ್ಕೆ ತೆಗೆದುಕೊಂಡಿವೆ. ಡಿಸೆಂಬರ್‌ನಲ್ಲಿ ನಡೆದ ಒಟ್ಟು ಯುಪಿಐ ವಹಿವಾಟಿನಲ್ಲಿ  ಇವೆರಡು ಶೇ. 78ರಷ್ಟು ಪಾಲನ್ನು ಹೊಂದಿವೆ. 2,234.16 ಮಿಲಿಯನ್‌ ವ್ಯವಹಾರಗಳು ಯುಪಿಐ ಮೂಲಕ ನಡೆದಿದ್ದವು.

ಬಳಿಕದ ಸ್ಥಾನ ಯಾರ್ಯಾರಿಗೆ? :

ಮೂರನೇ ಸ್ಥಾನದಲ್ಲಿರುವ ಪೇಟಿಎಂ 25.63 ಕೋಟಿ ವಹಿವಾಟುಗಳ ನ್ನು ನಡೆಸಿದೆ. ಇದರ ಮೌಲ್ಯ 3.12 ಲಕ್ಷ ಕೋ. ರೂ. ಬಳಿಕದ ಸ್ಥಾನದಲ್ಲಿ 4 ಕೋಟಿ ವಹಿವಾಟು ನಡೆಸಿದ ಅಮೆಜಾನ್‌ ಮತ್ತು 2.4 ಕೋಟಿ ವಹಿವಾಟುಗಳನ್ನು ನಡೆಸಿದ ಭೀಮ್‌  ಆ್ಯಪ್‌ ಇವೆ.

ವಾಟ್ಸ್‌ಆ್ಯಪ್‌ ಪೇ :

ವಾಟ್ಸ್‌ಆ್ಯಪ್‌ ಪೇ ಒಟ್ಟು 29.7 ಕೋ. ರೂ. ಮೌಲ್ಯದ 8 ಲಕ್ಷ ವಹಿ ವಾಟುಗಳನ್ನು ಕಂಡಿದೆ. ನವೆಂಬರ್‌ ತಿಂಗಳಿನಲ್ಲಿ 3 ಲಕ್ಷದಷ್ಟು  ವಹಿ ವಾಟು ಗಳನ್ನು ಮಾತ್ರ ನಡೆಸಿತ್ತು. ಯುಪಿಐ ಡಿಸೆಂಬರ್‌ನಲ್ಲಿ ಸತತ ಮೂರನೇ ತಿಂಗ ಳು 2 ಬಿಲಿಯನ್‌ ಗಡಿ ದಾಟಿದೆ. ಇದು ದಾಖಲೆಯ  4.16 ಟ್ರಿಲಿಯನ್‌ ರೂ.  ಮೌಲ್ಯದ 2.23 ಬಿಲಿಯನ್‌ ವಹಿವಾಟುಗಳನ್ನು ನಿರ್ವಹಿಸಿದೆ.