ಬೆಂಗಳೂರಲ್ಲಿ “ಸಾರಸ್‌’ವಿಮಾನ ಪರೀಕ್ಷೆ ಯಶಸ್ವಿ

ಹೊಸದಿಲ್ಲಿ: ಭಾರತದ ಮೊದಲ ಸ್ವದೇಶಿ ನಿರ್ಮಿತ “ಸಾರಸ್‌ ಲಘು ಸಾರಿಗೆ ವಿಮಾನ’ ನಿರ್ಮಾಣದ ಕನಸಿಗೆ ಮತ್ತೂಮ್ಮೆ ರೆಕ್ಕೆ ಕಟ್ಟಿರುವ ರಾಷ್ಟ್ರೀಯ ಏರೋಸ್ಪೇಸ್‌ ಲ್ಯಾಬೋರೇಟರೀಸ್‌ (ಎನ್‌ಎಎಲ್‌), ಬುಧವಾರ ಬೆಂಗಳೂರಿನಲ್ಲಿ ಈ ವಿಮಾನದ ಪರೀಕ್ಷಾರ್ಥ ಹಾರಾಟ ನಡೆಸಿದೆ.

ಬೆಂಗಳೂರಿನ ಬಾನಂಗಳಕ್ಕೆ ಬುಧವಾರ ಬೆಳಗ್ಗೆ ಚಿಮ್ಮಿದ ಸಾರಸ್‌ (ಪಿಟಿ-1ಎನ್‌) 14 ಆಸನಗಳ ವಿಮಾನ,  40 ನಿಮಿಷಗಳ ಕಾಲ ಯಶಸ್ವಿ ಹಾರಾಟ ನಡೆಸಿತು. 90ರ ದಶಕದಲ್ಲೇ ಯೋಜನೆ ರೂಪಿಸಲಾಗಿತ್ತು. ಇದಕ್ಕೆ ಭಾರತದ ವಿಶೇಷ ಜಾತಿಯ ಹಂಸ ಪಕ್ಷಿಯಾದ “ಸಾರಸ್‌’ ಹೆಸರನ್ನಿಡಲಾಗಿತ್ತು. ರಷ್ಯಾದ ತಂತ್ರಜ್ಞಾನದೊಂದಿಗೆ ಭಾರತದಲ್ಲಿ ಈ ವಿಮಾನಗಳು ತಯಾರಾಗಬೇಕಿದ್ದವು. ಆದರೆ, ಅನಂತರ, ಈ ಯೋಜನೆ ನನೆಗುದಿಗೆ ಬಿದ್ದಿತ್ತು.  ಈ ವರ್ಷ ಈ ಯೋಜನೆ ಕಾರ್ಯಗತವಾಗಲಿದೆ.