ಉತ್ತರ ಪ್ರದೇಶ ಸರಕಾರದಿಂದ ಈ ವರ್ಷ 33,000 ಪೊಲೀಸರ ನೇಮಕಾತಿ

ಲಕ್ನೋ : ಉತ್ತರ ಪ್ರದೇಶ ಪೊಲೀಸ್‌ ಇಲಾಖೆಯಲ್ಲಿ ಶೇ.50ರಷ್ಟು ಹುದ್ದೆಗಳು ಖಾಲಿ ಇವೆ; ಹಾಗಾಗಿ ಈ ವರ್ಷ 33,000 ಪೊಲೀಸರನ್ನು ನೇಮಿಸಿಕೊಳ್ಳಲಾಗುವುದು ಎಂದು ಸರಕಾರ ಹೇಳಿದೆ. 

ಉತ್ತರ ಪ್ರದೇಶ ಪೊಲೀಸ್‌ ಇಲಾಖೆಗೆ 1.50 ಲಕ್ಷ ಸಿಬಂದಿಗಳನ್ನು ನೇಮಿಸಿಕೊಳ್ಳುವ ಕೆಲಸವನ್ನು ಮುಂದಿನ ಐದು ವರ್ಷಗಳ ಒಳಗೆ ಪೂರೈಸಲಾಗುವುದು ಎಂದು ಉತ್ತರ ಪ್ರದೇಶ ಹಣಕಾಸು ಸಚಿವ ರಾಜೇಶ್‌ ಅಗ್ರವಾಲ್‌ ಅವರಿಂದು ಮಂಗಳವಾರ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್‌ ಅವರು ತಮ್ಮ ಸರಕಾರದ ಚೊಚ್ಚಲ ಬಜೆಟ್‌ ಮಂಡಿಸುವ ಸಂದರ್ಭದಲ್ಲಿ ಹೇಳಿದರು. 

30,000 ಪೊಲೀಸರು ಮತ್ತು 3,200 ಸಬ್‌ ಇನ್ಸ್‌ಪೆಕ್ಟರ್‌ಗಳನ್ನು ಈ ವರ್ಷವೇ ನೇಮಿಸಲಾಗುವುದು ಎಂದು ಅಗ್ರವಾಲ್‌ ಹೇಳಿದರು.