Highway Works: ಉತ್ತರಪ್ರದೇಶದಲ್ಲಿ ಮಸೀದಿಯ ಭಾಗ ತೆರವು

ಫ‌ತೇಪುರ: ಉತ್ತರಪ್ರದೇಶದ ಫ‌ತೇಪುರದಲ್ಲಿ ಮಸೀದಿಯ ಒಂದು ಭಾಗವನ್ನು ಮಂಗಳವಾರ ಕೆಡವಿ ಹಾಕಲಾಗಿದೆ. ಬಂಡಾ-ಬಹ್ರೈಚ್‌ ನಡುವಿನ ರಾಷ್ಟ್ರೀಯ ಹೆದ್ದಾರಿ ನಿರ್ಮಾಣ ಕಾಮಗಾರಿಗಾಗಿ ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.

ಸಂಭಲ್‌ ಮಸೀದಿ ವಿವಾದದ ಹಿನ್ನೆಲೆಯಲ್ಲಿ ಬಿಗಿ ಪೊಲೀಸ್‌ ಬಂದೋಬಸ್ತ್ನಲ್ಲಿ ಕಟ್ಟಡ ತೆರವುಗೊಳಿಸಲಾಗಿದೆ. ಮಸೀದಿಯನ್ನು 1839ರಲ್ಲಿ ನಿರ್ಮಿಸಲಾಗಿದೆ.

1956ರಲ್ಲಿ ರಸ್ತೆ ನಿರ್ಮಾಣವಾಗಿತ್ತು ಎಂದು ಆಡಳಿತ ಮಂಡಳಿ ಹೇಳಿದ್ದರೆ, 3 ವರ್ಷಗಳ ಹಿಂದೆ ಒಂದು ಭಾಗವನ್ನು ಅಕ್ರಮವಾಗಿ ನಿರ್ಮಿಸಲಾಗಿತ್ತು ಎಂದು ಜಿಲ್ಲಾಡಳಿತ ತಿಳಿಸಿದೆ.