Madanthyar: ಗೇರುಕಟ್ಟೆ ಸಮೀಪ ಅಪರಿಚಿತ ಯುವಕರಿಂದ ಶಂಕಾಸ್ಪದ ವರ್ತನೆ

ಮಡಂತ್ಯಾರು: ಕಳಿಯ ಗ್ರಾಮದ ಕುದುರೆ ಕಲ್ಲು ಅಕೇಶಿಯ ಮೀಸಲು ನೆಡುತೋಪು ಪ್ರದೇಶದ ರಸ್ತೆಯಲ್ಲಿ ಶನಿವಾರ ಸಂಜೆ ಸುಮಾರು 3 ಗಂಟೆ ಹೊತ್ತಿಗೆ 20-22 ವರ್ಷದ ಇಬ್ಬರು ಯುವಕರು ನಡು ರಸ್ತೆಯಲ್ಲಿ ಬೈಕ್‌ ನಿಲ್ಲಿಸಿ ಶಂಕಾಸ್ಪದ ರೀತಿಯಲ್ಲಿ ವರ್ತಿಸಿದ್ದು, ಸ್ಥಳೀಯರಲ್ಲಿ ಭಯ ಮೂಡಿದೆ.

ಪತ್ರಕರ್ತ ಕೆ.ಎನ್‌.ಗೌಡ. ಅವರು ಬೈಕ್‌ ನಿಲ್ಲಿಸಿ ವಿಚಾರಿಸಿದಾಗ, ತಾವು ಕುಪ್ಪೆಟಿ ಮೂಲದವರು ಎಂದು ಹೇಳಿ ಬೈಕ್‌ ಸಹಿತ ಪರಾರಿಯಾಗಿದ್ದಾರೆ. ಬೈಕ್‌ ನಂಬರ್‌ ಪ್ಲೇಟ್‌ ಅನ್ನೂ ಉಲ್ಟಾ ಹಾಕಿಕೊಂಡಿದ್ದರು.

15 ದಿನಗಳ ಹಿಂದೆ ಅಪರಿಚಿತ ವ್ಯಕ್ತಿ ಮಂಜಲಡ್ಕ ದೈವಸ್ಥಾನದ ಸಮೀಪದಲ್ಲಿ ಸಂಶಯಾಸ್ಪದವಾಗಿ ಕಂಡು ಬಂದಿರುವ ಬಗ್ಗೆ ಸ್ಥಳೀಯ ವಾಟ್ಸಾಪ್‌ ಗ್ರೂಪ್‌ನಲ್ಲಿ ವೈರಲ್‌ ಆಗಿತ್ತು.