Advertisement
ಕೃಷಿ ಕ್ಷೇತ್ರ ಬಲಪಡಿಸುವ, ಆದಾಯ ಹೆಚ್ಚಿಸುವ ಜತೆಗೆ ಹೊಸ ತಳಿಗಳ ಸಂಶೋಧನೆ ಹಾಗೂ ಪರಿಣಾಮಕಾರಿ ವಿಷಯಗಳ ಅಳವಡಿಕೆ ನಿಟ್ಟಿನಲ್ಲಿ ಕೃಷಿ ವಿವಿಗಳ 5ನೇ ಡೀನ್ ತಂಡವು ಶಿಫಾರಸು ಮಾಡಿರುವ ಏಕರೂಪದ ಪಠ್ಯಕ್ರಮವನ್ನು ಕಳೆದ ವರ್ಷವೇ ಕೇಂದ್ರದ ಕೃಷಿ ಸಚಿವ ರಾಧಾ ಮೋಹನ್ ಬಿಡುಗಡೆ ಮಾಡಿದ್ದು, ಕಳೆದ ವರ್ಷವೇ ಕೆಲವು ವಿವಿಗಳು ಕಾರ್ಯರೂಪಕ್ಕೆ ತಂದಿವೆ. ಕಾರ್ಯರೂಪಕ್ಕೆ ತರದ ವಿವಿಗಳು ಈ ವರ್ಷದಿಂದ ಕಡ್ಡಾಯವಾಗಿ ಅಳವಡಿಸಿಕೊಳ್ಳಬೇಕು.
Related Articles
ಏಕರೂಪದಲ್ಲಿಯೇ ಪರೀಕ್ಷೆ ನಡೆಸಲು ಮುಂದಾಗಲಾಗಿದೆ. ಕೃಷಿ ಪದವಿಯನ್ನು ವೈದ್ಯಕೀಯ, ಇಂಜಿನಿಯರಿಂಗ್ ಪದವಿಯಂತೆ ವೃತ್ತಿಪರಗೊಳಿಸಲಾಗಿದೆ. ಇದನ್ನು ಯುಜಿಸಿ ಅನುಮತಿ ಮೇರೆಗೆ ಕಾರ್ಯಗತಗೊಳಿಸಲಾಗಿದೆ. ಇದರಿಂದ ವಿದೇಶಗಳಿಗೆ ತೆರಳುವ ವಿದ್ಯಾರ್ಥಿಗಳಿಗೆ ಹೆಚ್ಚು ಅನುಕೂಲವಾಗಲಿದೆ.
Advertisement
ಕುಲಪತಿಗಳು, ಕೃಷಿ ವಿಜ್ಞಾನಿಗಳ ಸಭೆದೇಶದ ಎಲ್ಲ ಕೃಷಿ ವಿವಿಗಳಲ್ಲಿ ಏಕರೂಪದ ಪಠ್ಯಕ್ರಮ ಕಾರ್ಯಾನುಷ್ಠಾನಗೊಳಿಸುವ ಸಲುವಾಗಿ ಈಗಾಗಲೇ ಎಲ್ಲ ಕುಲಪತಿಗಳ ಹಾಗೂ ಕೃಷಿ ವಿಜ್ಞಾನಿಗಳ ಸಭೆ ಕರೆದು ಚರ್ಚಿಸಲಾಗಿದೆ.ಜೂನ್ ತಿಂಗಳಲ್ಲಿ ಮತ್ತೂಂದು ಸಭೆ ಕರೆಯಲಾಗಿದೆ. ಕಳೆದ ವರ್ಷದಿಂದಲೇ ಕೆಲವು ವಿವಿಗಳು ಹೊಸ ಪಠ್ಯ ಅಳವಡಿಸಿಕೊಂಡಿವೆ. ಅಳವಡಿಕೆ ಮಾಡಿಕೊಳ್ಳದ ವಿವಿಗಳಿಗೆ ಈ ವರ್ಷ ಹೊಸ ಪಠ್ಯ ಕಾರ್ಯರೂಪಕ್ಕೆ ತರದಿದ್ದಲ್ಲಿ ಅನುದಾನ ಕಡಿತ ಮಾಡುವ ಬಗ್ಗೆ ಎಚ್ಚರಿಕೆ ನೀಡಲಾಗಿದೆ.
– ಡಾ|ಎಂ.ಬಿ. ಚೆಟ್ಟಿ, ಸಹಾಯಕ ಮಹಾ ನಿರ್ದೇಶಕರು, ಅಖೀಲ ಭಾರತ ಕೃಷಿ ಸಂಶೋಧನಾ ಪರಿಷತು – ಹಣಮಂತರಾವ ಭೈರಾಮಡಗಿ