ದಾಖಲೆ‌ ಇಲ್ಲದ 9 ಕೆ.ಜಿ. ಚಿನ್ನ, 17 ಲಕ್ಷ ರೂ.‌ನಗದು ವಶ

ಬೆಳಗಾವಿ: ಸಮರ್ಪಕ ದಾಖಲೆಗಳು ಇಲ್ಲದೇ ಸ್ವಿಪ್ಟ್ ಡಿಜೈರ್ ಕಾರಿನಲ್ಲಿ ಮಹಾರಾಷ್ಟ್ರದಿಂದ 9 ಕೆ.ಜಿ. ಚಿನ್ನಾಭರಣ ಹಾಗೂ 17 ಲಕ್ಷ ರೂ.‌ ನಗದು ತೆಗೆದುಕೊಂಡು ಹೊರಟಾಗ ಪೊಲೀಸರು ದಾಳಿ ನಡೆಸಿ ಇಬ್ಬರನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ.

ಹುಕ್ಕೇರಿ ತಾಲೂಕಿನ ಗಜಬರವಾಡಿ ಕ್ರಾಸ್ ಬಳಿ ರವಿವಾರ ದಾಳಿ ನಡೆಸಿದಾಗ ಮಹಾರಾಷ್ಟ್ರ ಮೂಲದ ಹರ್ಷಾ ಪೋರವಾಲ್ ಹಾಗೂ ರಣಜೀತ್ ಸಿಂಗ್ ಎಂಬವರನ್ನು ವಿಚಾರಣೆ ನಡೆಸಿದಾಗ ಚಿನ್ನಾಭರಣ ಹಾಗೂ‌ ನಗದು ಹಣ ಪತ್ತೆಯಾಗಿದೆ.

ಹೆಚ್ಚಿನ ಮೊತ್ತದ ಹಣ ಹಾಗೂ ಚಿನ್ನಾಭರಣ ಇರುವುದರಿಂದ ಪೊಲೀಸರು ಆದಾಯ ತೆರಿಗೆ ಇಲಾಖೆ ಹಾಗೂ ವಾಣಿಜ್ಯ ತೆರಿಗೆ ಇಲಾಖೆ ಅಧಿಕಾರಿಗಳಿಗೆ ಮಾಹಿತಿ ನೀಡಿ ಅವರ ಸುಪರ್ದಿಗೆ ಒಪ್ಪಿಸಿದ್ದಾರೆ.‌ ಈ ಇಬ್ಬರನ್ನೂ ವಿಚಾರಣೆ ನಡೆಸಿ ದಾಖಲೆಗಳ ಪರಿಶೀಲನೆ ನಡೆಸಿದ್ದಾರೆ.