ಭಾರತೀಯರಿಗೆ ನಿರ್ಬಂಧ ಸಡಿಲಿಸಿದ ಬ್ರಿಟನ್‌

ಹೊಸದಿಲ್ಲಿ: ಕೋವಿಡ್‌ ಹಿನ್ನೆಲೆಯಲ್ಲಿ ಭಾರತೀಯರ ಪ್ರಯಾಣಕ್ಕೆ ವಿಧಿಸಲಾಗಿದ್ದ ನಿರ್ಬಂಧಗಳನ್ನು ಬ್ರಿಟನ್‌ ಆ. 8ರಿಂದ ತುಸು ಸಡಿಲಿಸಲಿದೆ. ಆ. 8ರ ಬಳಿಕ ಲಸಿಕೆಯ ಎರಡೂ ಡೋಸ್‌ಗಳನ್ನು ಪಡೆದ ಭಾರತೀಯರು ಬ್ರಿಟನ್‌ಗೆ ತೆರಳಬಹುದಾಗಿದೆ.

ಆದರೆ ಬ್ರಿಟನ್‌ನಲ್ಲಿ ಇಳಿದ ಬಳಿಕ ಮನೆಯಲ್ಲಿಯೇ 10 ದಿನಗಳ ಕಾಲ ಕ್ವಾರಂಟೈನ್‌ನಲ್ಲಿರಬೇಕು. ಅಲ್ಲದೆ ಪ್ರಯಾಣಕ್ಕೆ ಮೂರು ದಿನ ಮುಂಚಿತವಾಗಿ ಪರೀಕ್ಷೆ ಮಾಡಿಸಿಕೊಂಡು ನೆಗೆಟಿವ್‌ ವರದಿ ಹೊಂದಿರಬೇಕು. ಜತೆಗೆ ಪ್ರಯಾಣಕ್ಕೆ ಮುನ್ನ ಬ್ರಿಟನ್‌ನಲ್ಲಿ ಎರಡು ಬಾರಿ ಪರೀಕ್ಷೆಗೊಳಪಡಲು ಕಾಯ್ದಿರಿಸಿಕೊಂಡಿರಬೇಕು.