Advertisement
ಹೆದ್ದಾರಿಯಿಂದ ಇಂತಿಷ್ಟು ಎಂದು ಮಾರ್ಜಿನ್‌ ಬಿಡುವ ನಿಯಮ ಜಾರಿಯಲ್ಲಿದ್ದು, ಹಿಂದಿನ ವರ್ಷಗಳಲ್ಲಿ ಬಹುತೇಕರು ಇದನ್ನು ಪಾಲಿಸದೆ ಸಂಕಷ್ಟ ಅನುಭವಿಸಿದ್ದಾರೆ.
ಹೆಬ್ರಿ-ಮಲ್ಪೆ 169ಎ ಹೆದ್ದಾರಿ ಸಂಬಂಧಿಸಿದ ಜಮೀನು ಹೊಂದಿರುವ ನಾಗರಿಕರು ಹೆದ್ದಾರಿ ಬದಿಯಲ್ಲಿ ಸೂಕ್ತ ಮಾರ್ಜಿನ್‌ ಕಾಪಾಡಿಕೊಂಡು ಕಟ್ಟಡ ನಿರ್ಮಾಣಕ್ಕೆ ಮುಂದಾಗಲು ಜಾಗ ಮತ್ತು ಕಟ್ಟಡದ ಡ್ರಾಯಿಂಗ್‌ ದಾಖಲೆಯನ್ನು ಮೊಬೈಲ್‌ ಸಂಖ್ಯೆ ಬರೆದು ಹೆದ್ದಾರಿ ಸಚಿವಾಲಯದ ಶೃಂಗೇರಿಯಲ್ಲಿರುವ ಉಪ ವಿಭಾಗದ ಕಚೇರಿಗೆ ಸಲ್ಲಿಸಬೇಕು. ಅಂಚೆ ಅಥವಾ ಖುದ್ದಾಗಿಯೂ ಭೇಟಿ ಕೊಟ್ಟು ದಾಖಲೆ ಸಲ್ಲಿಸಬಹುದು. ಜಿ. ಪಂ. ರಸ್ತೆ ಅಥವಾ ಲೋಕೋಪಯೋಗಿ ರಸ್ತೆಯಾದಲ್ಲಿ ಸಂಬಂಧಿಸಿದ ಜಿಲ್ಲಾ ಅಥವಾ ಉಪ ವಿಭಾಗ ಕಚೇರಿಗಳಿಗೆ ದಾಖಲೆ ಸಲ್ಲಿಸಿ ಎನ್‌ಒಸಿ ಪಡೆಯಬಹುದು. ಎನ್‌ಒಸಿ ಪಡೆದ ಅನಂತರ ನಗರ ಸ್ಥಳೀಯಾಡಳಿತ ಸಂಸ್ಥೆ ಅಥವಾ ಗ್ರಾ. ಪಂ. ಕಟ್ಟಡಕ್ಕೆ ಅರ್ಜಿ ಸಲ್ಲಿಸಿ ಲೈಸೆನ್ಸ್‌ ಮಂಜೂರು ಮಾಡಿಸಿಕೊಳ್ಳಬೇಕು. ಎನ್‌ಎಚ್‌ 66 ಕುಂದಾಪುರ-ಹೆಜಮಾಡಿವರೆಗೆ ಯೋಜನಾ ನಿರ್ದೇಶಕರು, ಹೆದ್ದಾರಿ ಪ್ರಾಧಿಕಾರ ಮಂಗಳೂರು ಕಚೇರಿ, ಕುಂದಾಪುರದಿಂದ ಕಾರವಾರದವರೆಗೆ ಯೋಜನಾ ನಿರ್ದೇಶಕರು, ಹೆದ್ದಾರಿ ಪ್ರಾಧಿಕಾರ ಕಾರವಾರ ಕಚೇರಿ ಅವರಿಂದ ಎನ್‌ಒಸಿ ಪಡೆಯಬೇಕು. ಎಲ್ಲ ರಾ.ಹೆ.ಗಳಿಗೆ ಈ ಮಾರ್ಜಿನ್‌ ನೀತಿ ಅನ್ವಯವಾಗಲಿದೆ.
Related Articles
Advertisement
ರೋಡ್‌ ಮಾರ್ಜಿನ್‌ ನಿಯಮಾವಳಿ ಯಾಕೆ?ರಸ್ತೆ ಬದಿಯಲ್ಲಿ ಮನೆ ಅಥವಾ ಕಟ್ಟಡ ನಿರ್ಮಿಸುವ ಬಹುತೇಕರು ಸಂಬಂಧಪಟ್ಟ ರಸ್ತೆ ಅಭಿವೃದ್ಧಿ ಪ್ರಾಧಿಕಾರದಿಂದ ಎನ್‌ಒಸಿ ಪಡೆಯದೆ ಸ್ಥಳೀಯಾಡಳಿತ ಸಂಸ್ಥೆ ಅಥವಾ ಗ್ರಾ. ಪಂ. ಗಳಿಂದ ಲೈಸೆನ್ಸ್‌ ಪಡೆದಿದ್ದರೂ, ಕೆಲವರಿಗೆ ಕಾನೂನಾತ್ಮಕ ಸಮಸ್ಯೆಗಳು ಎದುರಾಗುವ ಸಾಧ್ಯತೆ ಹೆಚ್ಚಿದೆ. ಈಗಾಗಲೆ ಕೆಲವರು ಈ ಸಮಸ್ಯೆಗೆ ಸಿಲುಕಿದ್ದಾರೆ. ಮುಖ್ಯವಾಗಿ ಸುರಕ್ಷೆ, ಪಾರ್ಕಿಂಗ್‌ ಮತ್ತು ಮುಂದಿನ ಹಂತದಲ್ಲಿ ಹೆದ್ದಾರಿ ಅಗಲಗೊಳಿಸುವ ಯೋಜನೆಯ ಒಂದು ಭಾಗವಾಗಿಯೂ ಈ ಮಾರ್ಜಿನ್‌ ನಿಯಮಾ ವಳಿಯನ್ನು ರೂಪಿಸಲಾಗಿದೆ ಎಂದು ಹೆದ್ದಾರಿ ಎಂಜಿನಿಯರ್‌ಗಳ ಅಭಿಪ್ರಾಯವಾಗಿದೆ.