Udupi: ಪಾರ್ಕಿಂಗ್‌ನಲ್ಲಿ ನಿಲ್ಲಿಸಿದ್ದ ಬೈಕ್‌ ಕಳವು; ದೂರು ದಾಖಲು

ಉಡುಪಿ: ಮಾರ್ಕೆಟಿಂಗ್‌ ಪ್ರತಿನಿಧಿಯಾಗಿರುವ ಅಲೆವೂರಿನ ದಿನೇಶ್‌ ಅವರು ನ. 27ರಂದು ತನ್ನ ಬೈಕ್‌ ಕಳವಾಗಿರುವುದಾಗಿ ನಗರ ಪೊಲೀಸ್‌ ಠಾಣೆಗೆ ದೂರು ನೀಡಿದ್ದಾರೆ.

ಮೂಡನಿಡಂಬೂರು ಅಂಚೆ ಕಚೇರಿ ಬಳಿಯ ವಿದ್ಯಾಪೂರ್ಣ ಬಿಲ್ಡಿಂಗ್‌ನ ಪಾರ್ಕಿಂಗ್‌ ಸ್ಥಳದಲ್ಲಿ ವಾಹನ ನಿಲ್ಲಿಸಿ ತೆರಳಿದ್ದರು. ಮರುದಿನ ಸ್ಥಳಕ್ಕೆ ಹೋದಾಗ ಬೈಕ್‌ ಕಳ್ಳತನವಾಗಿತ್ತು ಎಂದು ದೂರಿನಲ್ಲಿ ತಿಳಿಸಿದ್ದಾರೆ. ಪ್ರಕರಣ ದಾಖಲಾಗಿದೆ.