Udupi: ಜಿಲ್ಲೆಯಲ್ಲಿ ಕಾಲರಾ 8 ಪ್ರಕರಣ ಸಕ್ರಿಯ

ಉಡುಪಿ: ಜಿಲ್ಲೆಯಲ್ಲಿ ಶನಿವಾರ ಯಾವುದೇ ಕಾಲರಾ ಪ್ರಕರಣ ಕಂಡುಬಂದಿಲ್ಲ. 6 ಮಾದರಿಗಳನ್ನು ಸಂಗ್ರಹಿಸಲಾಗಿದ್ದು, ಇದರ ವರದಿ ಸೋಮವಾರ ಬರುವ ನಿರೀಕ್ಷೆ ಇದೆ.

ಇದುವರೆಗೆ ಒಟ್ಟು 23 ಪ್ರಕರಣಗಳು ಕಂಡುಬಂದಿದ್ದು, ಪ್ರಸ್ತುತ 7ರಿಂದ 8 ಪ್ರಕರಣಗಳಷ್ಟೇ ಸಕ್ರಿಯವಾಗಿವೆ. ಈ ನಡುವೆ ಸೋಂಕು ಲಕ್ಷಣ ಕಂಡುಬಂದವರ ಸಂಪರ್ಕಿತರನ್ನು ತಪಾಸಣೆಗೆ ಒಳಪಡಿಸುವ ಕೆಲಸ ನಡೆಯುತ್ತಿದೆ. ಆರೋಗ್ಯ ಕಾರ್ಯಕರ್ತರು ಮನೆಮನೆಗೆ ಭೇಟಿ ನೀಡುವ ಜತೆಗೆ ಸೋಂಕು ಲಕ್ಷಣಗಳು ಇದ್ದವರ ಮಾಹಿತಿ ಸಂಗ್ರಹಿಸುತ್ತಿದ್ದಾರೆ.

ಈ ನಡುವೆ ಜಿಲ್ಲಾದ್ಯಂತ ಜಾಗೃತಿ ಕೆಲಸಗಳೂ ನಡೆಯುತ್ತಿವೆ. ಹೊಟೇಲ್‌ಗ‌ಳಲ್ಲಿಯೂ ಬಿಸಿನೀರು ನೀಡುವ ಪ್ರಕ್ರಿಯೆ ಆರಂಭ ಗೊಂಡಿದ್ದು, ಮಲ್ಪೆ ಭಾಗದಲ್ಲೂ ಜಾಗೃತಿ ಸಹಿತ ಮಾದರಿ ಸಂಗ್ರಹ ಕಾರ್ಯ ಆರಂಭಗೊಂಡಿದೆ.