ಉಬರ್‌ ಟ್ಯಾಕ್ಸಿಯಿಂದ ಬಯಲಾದ ಪ್ರೇಮ ಸಂಬಂಧ 

ಲಂಡನ್‌: ಟ್ಯಾಕ್ಸಿ ಸೇವಾ ಪೂರೈಕೆ ಸಂಸ್ಥೆ ಉಬರ್‌ನಿಂದಾಗಿ ತನ್ನ ಪ್ರೇಮ ಸಂಬಂಧ ಬಯಲಾಯಿತು ಎಂದು ಕುಪಿತಗೊಂಡ ಫ್ರಾನ್ಸ್‌ನ ವ್ಯಾಪಾರಿಯೊಬ್ಬ ಉಬರ್‌ ಸಂಸ್ಥೆಗೆ 48 ಮಿಲಿಯನ್‌(4.8 ಕೋಟಿ ರೂ.) ಪರಿಹಾರ ನೀಡುವಂತೆ ಆಗ್ರಹಿಸಿದ್ದಾನೆ.

ಇಲ್ಲಿಯ ಐಷಾರಾಮಿ ರೈವಿಯೆರಾ ಪ್ರದೇಶದ ನಿವಾಸಿಯಾಗಿರುವ ಆತ, ಒಮ್ಮೆ ತನ್ನ ಹೆಂಡತಿ ಫೋನು ಬಳಸಿ ಉಬರ್‌ ಟ್ಯಾಕ್ಸಿ ನಗದಿಪಡಿಸಿದ್ದನಂತೆ. ಬಳಿಕ ಲಾಗ್‌ ಆಫ್ ಮಾಡಿದ್ದಾನೆ. ಆದರೆ ಆತನ ಪ್ರಯಾಣಗಳ ಕುರಿತು ಮೇಲಿಂದ ಮೇಲೆ ಮಾಹಿತಿಯನ್ನು ಹೆಂಡತಿ ಫೋನಿಗೆ ಉಬರ್‌ ಕಳಿಸಿದೆ. ಪತಿಯ ಪ್ರಯಾಣಗಳ ಮಾಹಿತಿ ನೋಡಿದ ಮೇಲಿ ಪತಿಗೆ ಪ್ರೇಯಸಿಯಿರುವ ಶಂಕೆ ಪತ್ನಿಗೆ ಮೂಡಿದೆ. ಸದ್ಯ ದಂಪತಿ ವಿಚ್ಛೇದನ ಪಡೆದಿದ್ದಾರೆ. ಉಬರ್‌ನ ಅಪ್ಲಿಕೇಶನ್‌ನ ವೈರಸ್‌ನಿಂದಾಗಿ ಜೀವನ ಹಾಳಾಗಿದೆ ಎಂದು ಆತ ದೂರಿದ್ದಾನೆ.