ಅಲಬಾಮ(ಅಮೆರಿಕ): ಜಗತ್ತಿನಲ್ಲೇ ಅತಿ ಹೆಚ್ಚು ಕೋವಿಡ್ ಸೋಂಕಿತರನ್ನು ಹೊಂದಿರುವ ಅಮೆರಿಕದಲ್ಲಿ ಕಾಲೇಜು ವಿದ್ಯಾರ್ಥಿಗಳು ಕೋವಿಡ್-19 ಪಾರ್ಟಿಯನ್ನು ಮಾಡುತ್ತಿದ್ದಾರೆ ಎಂದು ಅಲ್ಲಿಯ ಅಧಿಕಾರಿಗಳು ತಿಳಿಸಿದ್ದಾರೆ.
ವಿದ್ಯಾರ್ಥಿಗಳೆಲ್ಲಾ ಸೋಂಕು ತಗುಲಿಸಿಕೊಳ್ಳಲೆಂದೇ ಒಟ್ಟು ಸೇರಿ ಮಾಡುವ ಪಾರ್ಟಿ ಇದು. ಅಲಬಾಮಾದ ಹಲವಾರು ಕಾಲೇಜುಗಳ ವಿದ್ಯಾರ್ಥಿಗಳು ಇದರಲ್ಲಿ ಪಾಲ್ಗೊಳ್ಳುತ್ತಿದ್ದಾರೆ.
ಕೋವಿಡ್ ಸೋಂಕಿತನನ್ನು ಈ ಪಾರ್ಟಿಗೆ ಆಹ್ವಾನಿಸಲಾಗುವುದು. ಪಾರ್ಟಿಯಲ್ಲಿ ಒಂದು ಹೂಜಿಲ್ಲಿ ಹಣ ಸಂಗ್ರಹಿಸಲಾಗುವುದು.
ಯಾರು ಮೊದಲು ಕೋವಿಡ್ ಸೋಂಕಿಗೆ ಒಳಗಾಗುತ್ತಾರೊ ಆ ಹಣವನ್ನು ಅವರಿಗೆ ನೀಡಲಾಗುವುದು ಎಂದು ಟುಸ್ಕಲೂಸ ನಗರದ ಕೌನ್ಸಿಲರ್‌ ಹೇಳಿದ್ದಾರೆ.
ಮೊದಲಿಗೆ ನಾವು ಈ ಸುದ್ದಿಯನ್ನು ವದಂತಿ ಎಂದೇ ಭಾವಿಸಿದ್ದವು. ಆದರೆ ತನಿಖೆಯಲ್ಲಿ ಈ ರೀತಿಯ ಪಾರ್ಟಿ ನಡೆಯುತ್ತಿರುವುದು ದೃಢವಾಯಿತು.
ಈ ರೀತಿಯ ಪಾರ್ಟಿಗಳನ್ನು ಆಯೋಜಿಸುತ್ತಿರುವವರ ಮೇಲೆ ಕಠಿಣ ಕ್ರಮ ಕೈಗೊಳ್ಳಲಾಗುವುದು ಎಂದು ಅವರು ಹೇಳಿದ್ದಾರೆ.
