‘ಕಾಳಿ’ಗೆ ಭಾರೀ ಮೊತ್ತ

ಹೊಸದಿಲ್ಲಿ: ಕಲಾಕಾರ ತೈಯಬ್‌ ಮೆಹ್ತಾ 1989ರಲ್ಲಿ ರಚಿಸಿದ ಕಾಳಿಯ ಕಲಾಕೃತಿ 26.4 ಕೋಟಿ ರೂ.ಗೆ ಮಾರಾಟವಾಗಿ ದಾಖಲೆ ಸೃಷ್ಟಿಸಿದೆ. ಸಫ್ರನ್‌ ಆರ್ಟ್ಸ್ ಗ್ಯಾಲರಿಯಲ್ಲಿ ಇತ್ತೀಚೆಗೆ ನಡೆದ ಕಲಾಪ್ರದರ್ಶನದಲ್ಲಿ ಈ ಕಲಾಕೃತಿ ಮಾರಾಟವಾಗಿದೆ. ಮೆಹ್ತಾ ರಚಿಸಿದ ವಿಶಿಷ್ಟ  3 ಕಲಾಕೃತಿಗಳಲ್ಲಿ ಇದೂ ಒಂದಾಗಿದ್ದು, 19.8 ಕೋಟಿ ರೂ. ಗಳಿಸಬಹುದು ಎಂದು ನಿರೀಕ್ಷಿಸಲಾಗಿದೆ. ಈ ಹಿಂದೆ ಇವರ ಕಲಾಕೃತಿ 2017ರಲ್ಲಿ 22.99 ಕೋಟಿ ರೂ. ಗಳಿಸಿ ದಾಖಲೆ ಮಾಡಿತ್ತು. ಎಸ್‌.ಎನ್‌.ಬೇಂದ್ರೆ, ಎಂ ವಿ ದುರಂಧರ, ಸಂಖೋ ಚೌಧರಿ, ಶೀಲಾ ಮಖೀಜಾನಿ ಮತ್ತು ಧನಂಜಯ್‌ ಸಿಂಗ್‌ರ ಕಲಾಕೃತಿಗಳೂ ಇಲ್ಲಿ ಮಾರಾಟವಾಗಿದ್ದು, ಒಟ್ಟು 75 ಕೋಟಿ ರೂ. ಗಳಿಕೆಯಾಗಿದೆ.