ರಾಜ್ಯದಲ್ಲೂ ಎರಡು ಹಂತದ ಸಂಭ್ರಮ

ಬೆಂಗಳೂರು: ದೇಶದ 17ನೇ ಲೋಕಸಭೆ ಚುನಾವಣೆಗೆ ಕೇಂದ್ರ ಚುನಾವಣಾ ಆಯೋಗ ವೇಳಾಪಟ್ಟಿ ಪ್ರಕಟಿಸಿದ್ದು, ಅದರಂತೆ ರಾಜ್ಯದ 28 ಲೋಕಸಭಾ ಕ್ಷೇತ್ರಗಳಿಗೆ ಎರಡು ಹಂತಗಳಲ್ಲಿ ಮತದಾನ ನಡೆಯಲಿದೆ.

ಅದರಂತೆ ಲೋಕಸಭೆಯ ಎರಡನೇ ಹಂತದಲ್ಲಿ (ರಾಜ್ಯದಲ್ಲಿ ಮೊದಲ ಹಂತ) ಏಪ್ರಿಲ್‌ 18ಕ್ಕೆ ದಕ್ಷಿಣ ಕರ್ನಾಟಕ ಭಾಗದ 14 ಲೋಕಸಭಾ ಕ್ಷೇತ್ರಗಳು ಹಾಗೂ ಮೂರನೇ ಹಂತದಲ್ಲಿ (ರಾಜ್ಯದಲ್ಲಿ ಎರಡನೇ ಹಂತ) ಏಪ್ರಿಲ್‌ 23ರಂದು ಉತ್ತರ ಕರ್ನಾಟಕ ಭಾಗದ 14 ಕ್ಷೇತ್ರಗಳಲ್ಲಿ ಚುನಾವಣೆ ನಡೆಯಲಿದೆ.

ರಾಜ್ಯದ 28 ಕ್ಷೇತ್ರಗಳ ಪೈಕಿ 5 ಎಸ್ಸಿ, 2 ಎಸ್ಟಿ ಹಾಗೂ 21 ಸಾಮಾನ್ಯ ಕ್ಷೇತ್ರಗಳಿವೆ. ವಿಜಯಪುರ,
ಕಲಬುರಗಿ, ಚಿತ್ರದುರ್ಗ, ಚಾಮರಾಜನಗರ,ಕೋಲಾರ (ಎಸ್ಸಿ ಮೀಸಲು). ರಾಯಚೂರು, ಬಳ್ಳಾರಿ (ಎಸ್ಟಿ ಮೀಸಲು) ಕ್ಷೇತ್ರಗಳು.

ಮೊದಲ ಹಂತ
ಉಡುಪಿ-ಚಿಕ್ಕಮಗಳೂರು, ಹಾಸನ, ದಕ್ಷಿಣ ಕನ್ನಡ, ಚಿತ್ರದುರ್ಗ, ತುಮಕೂರು, ಮಂಡ್ಯ,ಮೈಸೂರು, ಚಾಮರಾಜನಗರ, ಬೆಂಗಳೂರು ಗ್ರಾಮಾಂತರ, ಬೆಂಗಳೂರು ಉತ್ತರ, ಬೆಂಗಳೂರು ಕೇಂದ್ರ, ಬೆಂಗಳೂರು ದಕ್ಷಿಣ,ಚಿಕ್ಕಬಳ್ಳಾಪುರ, ಕೋಲಾರ.
ಚುನಾವಣಾ ಅಧಿಸೂಚನೆ: ಮಾ.19
 ನಾಮಪತ್ರ ಸಲ್ಲಿಕೆಗೆ ಕಡೇ ದಿನ: ಮಾ.26
 ನಾಮಪತ್ರ ಪರಿಶೀಲನೆ: ಮಾ.27
 ನಾಮಪತ್ರ ವಾಪಸ್‌ ಪಡೆಯಲು
ಕೊನೆ ದಿನ: ಮಾ.29
 ಮತದಾನ: ಏ. 18
 ಮತ ಎಣಿಕೆ: ಮೇ 23

ಎರಡನೇ ಹಂತ
ಚಿಕ್ಕೋಡಿ, ಬೆಳಗಾವಿ, ಬಾಗಲಕೋಟೆ, ವಿಜಯಪುರ, ಕಲಬುರಗಿ, ರಾಯಚೂರು, ಬೀದರ್‌, ಕೊಪ್ಪಳ, ಬಳ್ಳಾರಿ. ಹಾವೇರಿ, ಧಾರವಾಡ, ಉತ್ತರ ಕನ್ನಡ, ದಾವಣಗೆರೆ, ಶಿವಮೊಗ್ಗ

 ಚುನಾವಣಾ ಅಧಿಸೂಚನೆ: ಮಾ.28
ನಾಮಪತ್ರ ಸಲ್ಲಿಕೆಗೆ ಕಡೇ ದಿನ ಏ. 4
 ನಾಮಪತ್ರ ಪರಿಶೀಲನೆ: ಏ. 5
 ನಾಮಪತ್ರ ವಾಪಸ್‌ ಪಡೆಯಲು ಕೊನೆ ದಿನ: ಏ. 8
 ಮತದಾನ: ಏ. 23
ಮತ ಎಣಿಕೆ: ಮೇ 23

ಒಟ್ಟು ಮತದಾರರು 5.03 ಕೋಟಿ
 ಪುರುಷರು  2.54 ಕೋಟಿ
 ಮಹಿಳೆಯರು  2.48 ಕೋಟಿ
ಇತರರು 4,718