Flight: ಮಂಗಳೂರು- ಬೆಂಗಳೂರು ನಡುವೆ ಮತ್ತೆರಡು ವಿಮಾನ

ಮಂಗಳೂರು: ಮಂಗಳೂರು- ಬೆಂಗಳೂರು ಮಧ್ಯೆ ಪ್ರತಿದಿನ ಮತ್ತೆ 2 ಏರ್‌ಇಂಡಿಯಾ ವಿಮಾನಗಳು ಹಾರಾಟ ಆರಂಭಿಸಿವೆ. ಈ ಮೂಲಕ ಮಂಗಳೂರಿನಿಂದ ನಿತ್ಯ ಏಳು ವಿಮಾನಗಳು ಬೆಂಗಳೂರಿಗೆ ಹಾರಾಟ ನಡೆಸಲಿವೆ. ಏರ್‌ ಇಂಡಿಯಾ ಎಕ್ಸ್‌ಪ್ರೆಸ್‌ ಸಂಸ್ಥೆ ಹೊಸದಾಗಿ ಆರಂಭಿಸಿದ ವಿಮಾನಗಳ ಪೈಕಿ ಮೊದಲ ವಿಮಾನ “ಐಎಕ್ಸ್‌ 782′ ಸೋಮವಾರದಿಂದ ಸಂಚಾರ ಆರಂಭಿಸಿದೆ.

ಎರಡನೇ ವಿಮಾನ “ಐಎಕ್ಸ್‌ 1795′ ಕಣ್ಣೂರು-ಬೆಂಗಳೂರು- ಮಂಗಳೂರು ವಲಯದಲ್ಲಿ ಕಾರ್ಯಾಚರಿಸುತ್ತಿದೆ. ಹೊಸ ವಿಮಾನವು ಏಪ್ರನ್‌ಗೆ ಇಳಿಯುತ್ತಿದ್ದಂತೆ ವಿಮಾನ ನಿಲ್ದಾಣವು ಸಾಂಪ್ರದಾಯಿಕ ವಾಟರ್‌ ಕ್ಯಾನನ್‌ ವಂದನೆ ಸಲ್ಲಿಸಿತು. ವಿಮಾನದ ಮೊದಲ ಬ್ಯಾಚ್‌ ಪ್ರಯಾಣಿಕರಿಗೆ ಸ್ವಾಗತ ಕೋರಲಾಯಿತು.