ಮುಂಬಯಿ ಅಗ್ನಿ ದುರಂತ: ಇಬ್ಬರು ಪಬ್‌ ಮ್ಯಾನೇಜರ್‌ ಅರೆಸ್ಟ್‌

ಮುಂಬಯಿ : ಕಳೆದ ಡಿ.29ರ ತಡರಾತ್ರಿ ಮುಂಬಯಿಯ ಲೋವರ್‌ ಪರೇಲ್‌ ಪ್ರದೇಶದಲ್ಲಿನ ಕಮಲಾ ಮಿಲ್ಸ್‌ ಕಾಂಪ್ಲೆಕ್‌ನಲ್ಲಿ 14 ಜೀವಗಳನ್ನು ಬಲಿಪಡೆದ ಭೀಕರ್‌ ಅಗ್ನಿ ದುರಂತಕ್ಕೆ ಸಂಬಂಧಿಸಿ ಇಬ್ಬರು ಪಬ್‌ ಮ್ಯಾನೇಜರ್‌ಗಳು ಮುಂಬಯಿ ಪೊಲೀಸರು ಬಂಧಿಸಿದ್ದಾರೆ. 

ಈ ದುರಂತಕ್ಕೆ ಕಾರಣವಾದವರನ್ನು ಪತ್ತೆ ಹಚ್ಚುವುದು ಮತ್ತು ಇದೇ ರೀತಿಯ ಬೆಂಕಿ ಅವಘಡಗಳಿಗೆ ಸುಲಭದಲ್ಲಿ ತುತ್ತಾಗಬಲ್ಲ, ಶಾಮಕ ವ್ಯವಸ್ಥೆಯೇ ಇಲ್ಲದಂತಹ ಇತರ ಹಲವು ಕಾನೂನು ಬಾಹಿರ ಮತ್ತು ಅಕ್ರಮ ರಚನೆಗಳನ್ನು ನಾಶಪಡಿಸುವ ಬಿಎಂಸಿ ಕಾರ್ಯಾಚರಣೆ ಮುಂದುವರಿದಿರುವ ನಡುವೆಯೇ ಇಂದು ಮುಂಬಯಿ ಪೊಲೀಸರು, ದುರಂತದ ಬಳಿಕ ತಲೆ ಮರೆಸಿಕೊಂಡಿದ್ದ  ಪಬ್‌ ಮ್ಯಾನೇಜರ್‌ಗಳನ್ನು ಬಂಧಿಸಿದರು.

ಅಗ್ನಿ ದುರಂತ ಸಂಭವಿಸಿದಾಗ ತಮ್ಮ ಪಬ್‌ನಲ್ಲಿ ಸಿಲುಕಿಕೊಂಡ ಗಿರಾಕಿಗಳನ್ನು ರಕ್ಷಿಸುವ ಯತ್ನ ಮಾಡದೇ ತಾವೇ ಖುದ್ದು ಪರಾರಿಯಾಗಿದ್ದ ಪಬ್‌ ಸಿಬಂದಿಗಳನ್ನು ಪೊಲೀಸರೀಗ ಬಂಧಿಸುವ ಕಾರ್ಯಾಚರಣೆ ನಡೆಸುತ್ತಿದ್ದಾರೆ.