ವಂಚನೆ ಆರೋಪ : ಅಮೆರಿಕದಲ್ಲಿ ಇಬ್ಬರು ಭಾರತೀಯರ ಬಂಧನ

ವಾಷಿಂಗ್ಟನ್‌: ಆನ್‌ಲೈನ್‌ ವಂಚನೆಯ ಆರೋಪದಲ್ಲಿ ಇಬ್ಬರು ಭಾರತ ಮೂಲದ ಯುವಕರನ್ನು ಅಮೆರಿಕದ ಪೊಲೀಸರು ಬಂಧಿಸಿದ್ದಾರೆ.

ವರ್ಜೀನಿಯಾದಲ್ಲಿ ವಾಸವಿದ್ದ ಅನಿರುಧ್‌ ಕಲ್ಕೋಟ್‌(24) ಹೆಸರಿನ ಆರೋಪಿಯನ್ನು ಶುಕ್ರವಾರ ನ್ಯಾಯಾಲಯದ ಎದುರು ಹಾಜರುಪಡಿಸಲಾಗಿದೆ. ಇನ್ನೋರ್ವ ಆರೋಪಿ, ಹಟ್ಸನ್‌ ನಿವಾಸಿ ಎಂ.ಡಿ.ಆಜಾದ್‌(25)ರನ್ನು ಶೀಘ್ರವೇ ನ್ಯಾಯಾಲಯದ ಎದುರು ಹಾಜರುಪಡಿಸಲಾಗುವುದು ಎಂದು ತಿಳಿಸಲಾಗಿದೆ.

2019-20ರ ಸಮಯದಲ್ಲಿ ಹಟ್ಸನ್‌ ಪ್ರದೇಶದಲ್ಲಿ ಹಿರಿಯ ನಾಗರಿಕರನ್ನು ಗುರಿಯಾಗಿಸಿಕೊಂಡು ವಂಚನೆ ಮಾಡಿರುವ ಆರೋಪ ಇವರ ಮೇಲಿದೆ.

ಈ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಭಾರತ ಮೂಲದವರಾದ ಸುಮಿತ್‌ ಕುಮಾರ್‌ ಸಿಂಗ್‌(24), ಹಿಮಾಂಶು ಕುಮಾರ್‌(24) ಮತ್ತು ಎಂಡಿ ಹಾಸಿಬ್‌(26) ಈಗಾಗಲೇ ನ್ಯಾಯಾಲಯದ ಎದುರು ತಪ್ಪೊಪ್ಪಿಕೊಂಡಿದ್ದಾರೆ. ಅವರಿಗೆ ಶಿಕ್ಷೆ ಘೋಷಣೆಯಾಗುವುದು ಬಾಕಿಯಿದೆ.