Advertisement

ಅಸ್ಸಾಂ: Microlight aircraft ಪತನ: ಇಬ್ಬರು ಪೈಲಟ್‌ ಸಾವು

05:04 PM Feb 15, 2018 | Team Udayavani |

ಜೋರ್ಹಾಟ್‌ :  ಅಸ್ಸಾಮಿನ ಜೋರ್ಹಾಟ್‌ನಲ್ಲಿ ಇಂದು ಗುರುವಾರ ಮೈಕ್ರೋ ಲೈಟ್‌ ಏರ್‌ ಕ್ರಾಫ್ಟ್ ಪತನಗೊಂಡು ಅದರೊಳಗಿದ್ದ ವಾಯು ಪಡೆಯ ಇಬ್ಬರು ಸಿಬಂದಿಗಳು ಮೃತಪಟ್ಟರು. 

Advertisement

ಲಘು ವಿಮಾನ ತನ್ನ ದೈನಂದಿನ ಹಾರಾಟದಲ್ಲಿ ನಿರತವಾಗಿದ್ದ ವೇಳೆ ಈ ದುರ್ಘ‌ಟನೆ ಸಂಭವಿಸಿತು. ಇಬ್ಬರು IAF ಸಿಬಂದಿಗಳು ವೈರಸ್‌ ಎಸ್‌ಡಬ್ಲ್ಯು80 ಮೈಕ್ರೋಲೈಟ್‌ ವಿಮಾನವನ್ನು ಚಲಾಯಿಸುತ್ತಿದ್ದರು. 

ಜೋರ್ಹಾಟ್‌ ವಾಯು ನೆಲೆಯಿಂದ ಟೇಕಾಫ್ ಆದ ತತ್‌ಕ್ಷಣವೇ ವಿಮಾನ ಪತನಗೊಂಡಿತು. ಇಬ್ಬರೂ ಪೈಲಟ್‌ಗಳು IAF ವಿಂಗ್‌ ಕಮಾಂಡರ್‌ ಗಳಾಗಿದ್ದರು.

ಈ ಅಪಘಾತ ಹೇಗೆ ಉಂಟಾಯಿತು ಎಂಬ ಬಗ್ಗೆ ಸದ್ಯಕ್ಕೆ ವಿವರಗಳು ಸಿಕ್ಕಿಲ್ಲ. ಈ ಪತನಕ್ಕೆ ಸಂಬಂಧಿಸಿ ತನಿಖೆಗೆ ಆದೇಶ ನೀಡಲಾಗಿದೆ. 

ಮಾಜೂಲಿ ನದೀ ದ್ವೀಪದ ಸಮೀಪದಲ್ಲಿರುವ ಸುಮೋಯಿಮರಿ ಎಂಬ ಗ್ರಾಮದಲ್ಲಿ ಪತನಗೊಂಡ ವಿಮಾನದ ಅವಶೇಷಗಳು ಪತ್ತೆಯಾಗಿರುವುದಾಗಿ ವರದಿಯಾಗಿದೆ. 

Advertisement

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next