2 ಅಡಿ ಇದ್ದಿದ್ದಕ್ಕೆ ಹೆಣ್ಣು ಸಿಕ್ತಿಲ್ಲ : ಪೊಲೀಸ್ ಠಾಣೆಗೆ ಹೋದ ವ್ಯಕ್ತಿ!

ಉತ್ತರ ಪ್ರದೇಶ : ನಾನು ಎರಡು ಅಡಿ ಇದ್ದೇನೆ ಎಂದು ನನಗೆ ಎಲ್ಲೂ ಹೆಣ್ಣು ಸಿಗುತ್ತಿಲ್ಲ. ದಯಮಾಡಿ ನನಗೆ ಮದುವೆಯಾಗಲು ಹೆಣ್ಣನ್ನು ಹುಡುಕಿಕೊಡಿ ಎಂದು ವ್ಯಕ್ತಿಯೊಬ್ಬ ಪೊಲೀಸ್ ಠಾಣೆ ಮೆಟ್ಟಿಲೇರಿರುವ ಘಟನೆ ಉತ್ತರ ಪ್ರದೇಶದಲ್ಲಿ ನಡೆದಿದೆ.

ಅಜಿಮ್ ಮನ್ಸೂರಿ ಎಂಬ 26 ವರ್ಷದ ವ್ಯಕ್ತಿ ಕೇವಲ 2 ಅಡಿ ಎತ್ತರವಿದ್ದಾನೆ. ಇದ್ರಿಂದಾಗಿ ಮದುವೆಯಾಗಲು ಯಾರೂ ಮುಂದೆ ಬರುತ್ತಿಲ್ಲ. ಕಳೆದ ಐದು ವರ್ಷದಿಂದ ಹೆಣ್ಣು ಹುಡುಕಿ ಬೇಸತ್ತಿರುವ ವ್ಯಕ್ತಿ ಪೊಲೀಸರ ಮೊರೆ ಹೋಗಿದ್ದಾನೆ.

ಅಜಿಮ್ ತಮ್ಮ ಸಹೋದರರ ಜೊತೆ ಸೇರಿಕೊಂಡು ಕಾಸ್ಮೆಟಿಕ್ ಶಾಪ್ ನಡೆಸುತ್ತಿದ್ದಾರೆ. ತಮ್ಮ ವಿದ್ಯಾಭ್ಯಾಸವನ್ನು ಐದನೇ ತರಗತಿಗೆ ನಿಲ್ಲಿಸಿದ್ದಾರೆ. ತರಗತಿಯ ಸಹಪಾಟಿಗಳು ನೀನು ಕುಳ್ಳ ಎಂದು ಅಣಕಿಸಿದ ಕಾರಣ ಅಜಿಮ್ ಶಾಲೆಗೆ ಹೋಗುವುದನ್ನೇ ನಿಲ್ಲಸಿದ್ದರಂತೆ.

ಕಳೆದ ಹಲವು ವರ್ಷಗಳಿಂದ ಕುಟುಂಬದವರೂ ಈ ಎರಡು ಅಡಿ ವ್ಯಕ್ತಿಗೆ ವಧುವನ್ನು ಹುಡುಕುತ್ತಿದ್ದಾರೆ. ಆದ್ರೂ ಕೂಡ ವಧು ಸಿಕ್ಕಿಲ್ಲ. ನೊಂದ ವ್ಯಕ್ತಿ ಈ ಬಗ್ಗೆ ಮಾತನಾಡಿದ್ದು, ನನಗೆ ರಾತ್ರಿ ನಿದ್ದೆ ಬರುತ್ತಿಲ್ಲ, ನಾನು ತುಂಬಾ ಹುಡುಕಿದ್ದೇನೆ. ನನ್ನ ಮದುವೆಯಾಗಲೂ ಯಾರೂ ಇಲ್ಲವೇ ಎಂದೂ ನೊಂದ ಮನಸ್ಸಿನಿಂದ ಹೇಳಿದ್ದಾರೆ.

ಪೊಲೀಸರ ಸಹಾಯ ಕೇಳುವು ಮೊದಲು, ಅಜಿಮ್ ಉತ್ತರ ಪ್ರದೇಶ ಮಾಜಿ ಮುಖ್ಯಮಂತ್ರಿ ಅಖಿಲೇಶ್ ಯಾದವ್ ಅವರಲ್ಲೂ ಸಹಾಯ ಕೇಳಿದ್ದರಂತೆ.