ವಿಡಿಯೋ ನೋಡಿ : ಬಲೂನ್ ಜೊತೆ ನಾಯಿಗಳ ತುಂಟಾಟ

ನವದೆಹಲಿ : ಪ್ರಾಣಿಗಳು ಮಾಡುವ ತುಂಟಾಟಗಳು ನೋಡುಗರನ್ನು ತನ್ನತ್ತ ಆಕರ್ಷಿಸುತ್ತವೆ. ಇನ್ನು ನಾಯಿ ಮರಿಗಳು ಮಾಡುವ ತರ್ಲೆಗಳು ಮನಸ್ಸಿಗೆ ಮುದ ನೀಡುವುದಲ್ಲದೆ ಖುಷಿ ಕೊಡುತ್ತವೆ. ಮನೆಯಂಗಳಲ್ಲಿ ಸದ್ದು ಮಾಡುತ್ತ ಓಡಾಡುವ ಆ ನಾಯಿಮರಿಗಳನ್ನು ನೋಡುವುದೇ ಒಂದು ಚಂದ. ಇದೀಗ ಎರಡು ನಾಯಿ ಮರಿಗಳು ಆಟವಾಡುತ್ತಿರುವ ವಿಡಿಯೋ ಒಂದು ನೆಟ್ಟಿಗರಿಗೆ ಖುಷಿ ನೀಡುತ್ತಿದೆ.

ಎರಡು ನಾಯಿಗಳು ಸಮುದ್ರ ತೀರದಲ್ಲಿ, ಅಲೆಗಳ ನಡುವೆ ಬಲೂನ್ ಜೊತೆ ಆಟ ಆಡುತ್ತಿರುವ ವಿಡಿಯೋವನ್ನು ಹೋಪಿಕಿನ್ಸ್ ಬಿ ಆರ್ ಎ‍ಫ್ ಸಿ ಎಂಬುವವರ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಶೇರ್ ಮಾಡಿದ್ದಾರೆ. ಪೋಸ್ಟ್ ಮಾಡಿದ ಕೆಲವೇ ಹೊತ್ತಿಗೆ ಈ ವಿಡಿಯೋವನ್ನು ಬರೋಬ್ಬರಿ 3000 ಜನ ನೋಡಿದ್ದಾರೆ.

ವಿಡಿಯೋ ಶೇರ್ ಮಾಡಿ, “ ಈ ವಿಡಿಯೋ ಬಹುಶಃ ನಿಮ್ಮ ಮನಸ್ಸಿಗೆ ನೆಮ್ಮದಿ ತರಿಸುತ್ತದೆ” ಎಂದು ಬರೆಯಲಾಗಿದೆ.