ನ್ಯೂಯಾರ್ಕ್: ಹೊಸ ಹೊಸ ಫೀಚರ್ ಗಳ ಮೂಲಕ ಬಳಕೆದಾರರ ಗಮನಸೆಳೆಯುತ್ತಿರುವ ಟ್ವಿಟ್ಟರ್ ಇದೀಗ ಶೆಡ್ಯೂಲ್ (schedule) ಆಯ್ಕೆಯನ್ನು ಜಾರಿಗೆ ತಂದಿದೆ. ಇಷ್ಟು ದಿನ ಟ್ವೀಟ್ ಡೆಕ್ ಬಳಸಿ ಶೆಡ್ಯೂಲ್ ಮಾಡಲಾಗುತ್ತಿತ್ತು. ಆದರೇ ಇದೀಗ ನೇರವಾಗಿ ಡೆಸ್ಕ್ ಟಾಪ್ ಮೂಲಕ ಟ್ವಿಟ್ಟರ್ ಗಳನ್ನು ಶೆಡ್ಯೂಲ್ ಮಾಡಬಹುದು.
ಆದರೇ ಈ ಫೀಚರ್ ಡೆಸ್ಕ್ ಟಾಪ್ ನಲ್ಲಿ ಮಾತ್ರ ಲಭ್ಯವಿದ್ದು, ಸ್ಮಾರ್ಟ್ ಪೋನ್ ಅಥವಾ ಟ್ವಿಟ್ಟರ್ ಆ್ಯಪ್ ನಲ್ಲಿ ಇನ್ನೂ ಕೂಡ ಜಾರಿಗೆ ಬರಲಿಲ್ಲ. ಈ ಫೀಚರ್ ಬಳಸಿಕೊಂಡು ಟ್ವೀಟ್ ಗಳನ್ನು ನಿರ್ದಿಷ್ಟ ಸಮಯಕ್ಕೆ ನಿಗದಿಪಡಿಸಬಹುದು ಅಥವಾ ಪೋಸ್ಟ್ ಮಾಡಬಹುದು.
ಈ ಫೀಚರ್ ನ ಬಳಕೆ ಹೇಗೆ:
ಯಾವುದೇ ಟ್ವೀಟ್ ಮಾಡುವಾಗಲು ಗ್ಯಾಲರಿ, ಜಿಫ್ ಫೈಲ್, ಪೋಲ್, ಸಿಂಬಲ್ಸ್ ಆಯ್ಕೆಗಳು ಕಾಣಿಸಿಕೊಳ್ಳುತ್ತಿತ್ತು. ಇದೀಗ ಇದರ ಜೊತೆಯಲ್ಲಿಯೇ ಕ್ಯಾಲೆಂಡರ್ ಮತ್ತು ಟೈಮ್ ಒಳಗೊಂಡ ಹೊಸ ಐಕಾನ್ ಲಭ್ಯವಿದೆ. ಇದರ ಮೂಲಕವೇ ಟ್ವಿಟ್ ಗಳನ್ನು ಶೆಡ್ಯೂಲ್ ಮಾಡಬಹುದು.
ಅಂದರೇ ಸಮಯ ಮತ್ತು ದಿನ ನಿಗದಿ ಪಡಿಸಿ ಪೋಸ್ಟ್ ಮಾಡಿದರಾಯಿತು. ಈ ಫೀಚರ್ ಬಹಳ ಉಪಯೋಗಕಾರಿಯಾಗಿದ್ದು ಸುದ್ದಿ ಮಾಧ್ಯಮ, ಮತ್ತು ಇತರೆ ಸಂಸ್ಥೆಗಳಿಗೆ ವರದಾನವಾಗಿದೆ.
