ವಿಶ್ವಸಂಸ್ಥೆಯ ಗ್ಲೋಬಲ್‌ ಕಂಪ್ಯಾಕ್ಟ್ ಗೆ ಟಿವಿಎಸ್‌ 

ಹೊಸದಿಲ್ಲಿ: ಭಾರತದ ಪ್ರಸಿದ್ಧ ದ್ವಿಚಕ್ರ ಮತ್ತು ತ್ರಿಚಕ್ರ ವಾಹನಗಳ ಸಂಸ್ಥೆಯಾಗಿರುವ ಟಿವಿಎಸ್‌ ಇದೀಗ ವಿಶ್ವ ಸಂಸ್ಥೆಯ ಗ್ಲೋಬಲ್‌ ಕಾಂಪ್ಯಾಕ್ಟ್ ಗೆ ಸೇರಿಕೊಂಡ ದೇಶದ ಮೊದಲ ದ್ವಿಚಕ್ರ ಮತ್ತು ತ್ರಿಚಕ್ರ ವಾಹನ ತಯಾರಕ ಸಂಸ್ಥೆಯಾಗಿ ಹೊರಹೊಮ್ಮಿದೆ.

ಈ ಬಗ್ಗೆ ಸಂತಸ ವ್ಯಕ್ತಪಡಿಸಿ ರುವ ಟಿವಿಎಸ್‌ ಸಂಸ್ಥೆಯ ಮುಖ್ಯಸ್ಥರಾಗಿರುವ ವೇಣು ಶ್ರೀನಿವಾಸನ್‌, “ನಮ್ಮ ಸಂಸ್ಥೆ ಸಮಾಜದ ಸುಸ್ಥಿರತೆಯನ್ನು ಬೆಂಬಲಿಸುವ ಗುರಿ ಹೊಂದಿದೆ. ಅದಕ್ಕೆ ಪೂರಕವಾಗಿ ವಿಶ್ವಸಂಸ್ಥೆಯೊಂದಿಗೆ ಹೆಜ್ಜೆ ಹಾಕುವುದಕ್ಕೆ ಅವಕಾಶ ಸಿಕ್ಕಿದೆ. ಇದರಿಂದ ನಮ್ಮ ಆಶಯ ಇನ್ನಷ್ಟು ಬೇಗ ಪೂರ್ಣಗೊಳ್ಳಲಿದೆ’ ಎಂದು ಹೇಳಿಕೊಂಡಿದ್ದಾರೆ.

ವಿಶ್ವ ಸಂಸ್ಥೆಯ ಗ್ಲೋಬಲ್‌ ಕಾಂಪ್ಯಾಕ್ಟ್ 2000ರಿಂದ ಆರಂಭವಾಗಿದ್ದು, ಅದು ಮಾನವ ಹಕ್ಕು, ಪರಿಸರ, ಕಾರ್ಮಿಕ ಅಭಿವೃದ್ಧಿ, ಭ್ರಷ್ಟಾಚಾರ ನಿಗ್ರಹ ಸೇರಿ ಒಟ್ಟು 10 ತಣ್ತೀಗಳ ಕುರಿತಾದ ಕಾರ್ಯಚರಣೆಯಲ್ಲಿ ತಮ್ಮೊಂದಿಗೆ ಭಾಗವಹಿಸಲು ಕಂಪೆನಿಗಳಿಗೆ ಕರೆ ನೀಡುತ್ತದೆ. ಈಗಾಗಲೇ 160 ದೇಶಗಳ 14,000 ಕಂಪೆನಿಗಳು ಈ ಕಾಂಪ್ಯಾಕ್ಟ್ ಸೇರಿವೆ. ಭಾರತದ 400 ಕಂಪೆನಿಗಳೂ ಅದರಲ್ಲಿವೆ.