ಅಂಗೂರಿ ಭಾಬೀ ಖ್ಯಾತಿಯ ಟವಿ ನಟಿ ಶಿಲ್ಪಾ ಶಿಂಧೆ ಕಾಂಗ್ರೆಸ್‌ಗೆ

ಮುಂಬಯಿ :  ‘ಭಾಭೀ ಜೀ ಘರ್‌ ಪೇ ಹೈಂ’ ಎಂಬ ಜನಪ್ರಿಯ ಟಿವಿ ಶೋ ನಲ್ಲಿ ಅಂಗೂರಿ ಭಾಬೀ ಪಾತ್ರದ ಮೂಲಕ ಅಪಾರ ಖ್ಯಾತಿ ಪಡೆದಿರುವ ಟಿವಿ ನಟಿ ಶಿಲ್ಪಾ ಶಿಂಧೆ ಅವರು ಇಂದು ಮಂಗಳವಾರ ಮುಂಬಯಿ ಕಾಂಗ್ರೆಸ್‌ ಸಮಿತಿ ಅಧ್ಯಕ್ಷ ಸಂಜಯ್‌ ನಿರುಪಮ್‌ ಮತ್ತು ಪಕ್ಷದ ನಾಯಕ ಚರಣ್‌ ಸಿಂಗ್‌ ಸಪ್ರಾ ಅವರ ಸಮ್ಮುಖದಲ್ಲಿ ಕಾಂಗ್ರೆಸ್‌ ಪಕ್ಷವನ್ನು ಸೇರಿಕೊಂಡರು.

ಶಿಲ್ಪಾ ಶಿಂಧೆ ಅವರು ಬಿಗ್‌ ಬಾಸ್‌ 11ನೇ ಆವೃತ್ತಿಯಲ್ಲಿ ಓರ್ವ ಸ್ಪರ್ಧಿಯಾಗಿ ಭಾಗವಹಿಸಿ ವಿನ್ನರ್‌ ಆಗಿ ಮೂಡಿ ಬಂದಿದ್ದರು. 

ಶಿಲ್ಪಾ ಅವರು ಅನಂತರ ಸುನೀಲ್‌ ಗ್ರೋವರ್‌ ಅವರ ಕ್ರಿಕೆಟ್‌ ಆಧಾರಿತ ಜಿಯೋ ಧನ್‌ ಧನಾ ಧನ್‌ ನಲ್ಲೂ ಕೆಲಸ ಮಾಡಿದ್ದರು. ಈ ವೆಬ್‌ ಸೀರೀಸ್‌ ನಲ್ಲಿ ಆಕೆ ಸುನೀಲ್‌ ಅವರ ಪತ್ನಿ ಗೂಗ್ಲಿ ದೇವಿ ಯಾಗಿ ನಟಿಸಿದ್ದರು. 

ಕಳೆದ ಜನವರಿ 27ರಂದು ಬಾಲಿವುಡ್‌ ನಟಿ ಇಶಾ ಕೊಪ್ಪಿಕರ್‌ ಬಿಜೆಪಿ ಸೇರಿರುವುದನ್ನು ಇಲ್ಲಿ ನೆನಪಿಸಿಕೊಳ್ಳಬಹುದಾಗಿದೆ.