ಟರ್ಕಿ ವೈಮಾನಿಕ ದಾಳಿಗೆ ಡಮಾಸ್ಕಸ್‌ ನಿಷ್ಠ 14 ಮಂದಿ ಬಲಿ

ಬೇರೂತ್‌ : ವಾಯವ್ಯ ಆಫ್ರಿನ್‌ ಪ್ರದೇಶದಲ್ಲಿ ಟರ್ಕಿ ನೇತೃತ್ವದ ಬಂಡುಕೋರರ ವಿರುದ್ಧ ಹೋರಾಡುತ್ತಿರುವ ಕುರ್ಡ್‌ ಗಳಿಗೆ ಬೆಂಬಲವಾಗಿ ಸಿರಿಯಾ ಸರಕಾರ ನಿಯೋಜಿಸಿರುವ ಹೋರಾಟಗಾರರ ಮೇಲೆ ಟರ್ಕಿ ನಡೆಸಿರುವ ವೈಮಾನಿಕ ದಾಳಿಗೆ ಡಮಾಸ್ಕಸ್‌ಗೆ ನಿಷ್ಠರಾಗಿರುವ ಕನಿಷ್ಠ 14 ಮಂದಿ ಬಲಿಯಾಗಿರುವುದಾಗಿ ಮಾನವ ಹಕ್ಕುಗಳ ವಿಚಕ್ಷಣ ಸಂಸ್ಥೆ ವರದಿ ಮಾಡಿದೆ.

ಇದೇ ವೈಮಾನಿಕ ದಾಳಿಗೆ ಮೂವರು ಕುರ್ಡಿಶ್‌ ಹೋರಾಟಗಾರರು ಕೂಡ ಬಲಿಯಾಗಿರುವುದಾಗಿ ಬ್ರಿಟನ್‌ನಲ್ಲಿ ನೆಲೆಗೊಂಡಿರುವ ಮಾನವ ಹಕ್ಕುಗಳ ಸಿರಿಯಾ ವಿಚಕ್ಷಣ ಕೇಂದ್ರ  ತಿಳಿಸಿದೆ. 

ಕಳೆದ ಜನವರಿ 20ರಂದು ಆಫ್ರಿನ್‌ನಲ್ಲಿ  ವೈಮಾನಿಕ ದಾಳಿಗಳನ್ನು ಆರಂಭಿಸಲಾದ ಬಳಿಕ ಟರ್ಕಿ ನೇತೃತ್ವದ ಸಿರಿಯ ಬಂಡುಕೋರರು ಮುನ್ನಡೆ ಸಾಧಿಸುತ್ತಾ ಬಂದಿದ್ದರು. ಆಫ್ರಿನ್‌ ಪ್ರದೇಶದ ಮàಲೆ ಕುರ್ಡಿಶ್‌ ಜನರ ರಕ್ಷಣಾ ಘಟಕಗಳ ನಿಯಂತ್ರಣವಿದೆ.