ಸೆರಬ್ರಲ್‌ ಪಾಲ್ಸಿ ಇದ್ದರೂ ಜೆಇಇ ಗೆದ್ದ ತುಹಿನ್‌

ಕೋಟ: ಸೆರಬ್ರಲ್‌ ಪಾಲ್ಸಿಯಿಂದಾಗಿ 21 ವರ್ಷದ ತುಹಿನ್‌ ದೇವ್‌ಗೆ ಕುತ್ತಿಗೆಯಿಂದ ಕೆಳಗೆ ದೇಹ ಸಂಪೂರ್ಣಸ್ವಾಧೀನದಲ್ಲಿ ಇಲ್ಲ. ಪರೀಕ್ಷೆ ಬರೆಯುವುದು ಬಾಯಿಯಲ್ಲಿ ಪೆನ್‌ ಕಚ್ಚಿಕೊಂಡು. ಆದರೇನಂತೆ, ಈ ಬಾರಿಯ ಜೆಇಇ (ಮೈನ್ಸ್‌) ಪರೀಕ್ಷೆಯಲ್ಲಿ 438ನೇ ರ್‍ಯಾಂಕ್‌ ಪಡೆದಿದ್ದಾರೆ, ಪ. ಬಂಗಾಲದ ಇಂಡಿಯನ್‌ ಇನ್‌ಸ್ಟಿಟ್ಯೂಟ್‌ ಆಫ್ ಎಂಜಿನಿಯರಿಂಗ್‌ ಸೈನ್ಸ್‌ ಮತ್ತು ಟೆಕ್ನಾಲಜಿ (ಐಐಇಎಸ್‌ಟಿ) ಯಲ್ಲಿ ಮಾಹಿತಿ ತಂತ್ರಜ್ಞಾನ ಎಂಜಿನಿಯರಿಂಗ್‌ ವಿದ್ಯಾಭ್ಯಾಸ ನಡೆಸಲು ಪ್ರವೇಶ ಪಡೆದಿದ್ದಾರೆ.

ಇಂತಹ ವಿಶೇಷ ವಿದ್ಯಾರ್ಥಿಯೊಬ್ಬರು ನಮ್ಮಲ್ಲಿಗೆ ಪ್ರವೇಶ ಪಡೆಯುತ್ತಿರುವುದು ನಮಗೆ ಸಂತಸ ತಂದಿದೆ ಎಂದು ಐಐಇಎಸ್‌ಟಿಯ ಹಿರಿಯ ಅಧಿಕಾರಿ ಹೇಳಿದ್ದಾರೆ.