ಜನನ ನಿಯಂತ್ರಣ ವಿಮೆಗೆ ಟ್ರಂಪ್‌ ಕಡಿವಾಣ

ವಾಷಿಂಗ್ಟನ್‌: ಅಮೆರಿಕದ ಆರೋಗ್ಯ ವಿಮೆ ಒಬಾಮ ಕೇರ್‌ ಅಡಿಯಲ್ಲಿರುವ ಜನನ ನಿಯಂತ್ರಣ ವಿಧಾನಗಳನ್ನು ಹೊರಗಿಡಲು ಡೊನಾಲ್ಡ್‌ ಟ್ರಂಪ್‌ ಆಡಳಿತ ನಿರ್ಧರಿಸಿದೆ.

ಇದರಿಂದಾಗಿ ಮಹಿಳೆಯರು ಜನನ ನಿಯಂತ್ರಣ ಔಷಧಗಳು ಹಾಗೂ ವಿಧಾನಗಳ ವೆಚ್ಚವನ್ನು ತಾವೇ ಭರಿಸಬೇಕಾಗುತ್ತದೆ. ಉದ್ಯೋಗಸ್ಥ ಮಹಿಳೆಯರಿಗೆ ಜನನ ನಿಯಂತ್ರಣ ಔಷಧ ಮತ್ತು ಸಲಕರಣೆಗಳನ್ನು ಒಬಾಮ ಕೇರ್‌ ಆರೋಗ್ಯ ವಿಮೆ ಅಡಿಯಲ್ಲಿ ಉಚಿತವಾಗಿ ನೀಡಲಾಗುತ್ತಿತ್ತು. ಟ್ರಂಪ್‌ ಆಡಳಿತದ ಈ ಕ್ರಮಕ್ಕೆ ಅಮೆರಿಕದಲ್ಲಿ ಭಾರಿ ಆಕ್ರೋಶ ವ್ಯಕ್ತವಾಗಿದೆ. ಆದರೆ ಧಾರ್ಮಿಕ ಕಾರಣಗಳಿಗಾಗಿ ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಸರ್ಕಾರ ಹೇಳಿದೆ.