ಉತ್ತರ ಪ್ರದೇಶ: 5 ಲಕ್ಷ ರೂ.ಮೊಬೈಲ್‌ ಕದ್ದ ಟ್ರಕ್‌ ಚಾಲಕ ಸೆರೆ

ಮುಜಫ‌ರನಗರ : ಮೊಬೈಲ್‌ ಫೋನ್‌ ಗಳನ್ನು ಡೆಲಿವರಿ ಮಾಡುವ ಮಾರ್ಗದಲ್ಲಿ ಐದು ಲಕ್ಷ ರೂ. ಮೌಲ್ಯದ 65 ಮೊಬೈಲ್‌ ಫೋನ್‌ಗಳನ್ನು ಕದ್ದ ಟ್ರಕ್‌ ಚಾಲಕನನ್ನು ಖತೋಲಿ ಜಿಲ್ಲೆಯಲ್ಲಿ ಪೊಲೀಸರು ಬಂಧಿಸಿದ್ದಾರೆ.

ದೇವೇಂದ್ರ ಕುಮಾರ್‌ ಎಂಬಾತನ ಟ್ರಕ್ಕನ್ನು ಹರಿಯಾಣದಿಂದ ಉತ್ತರಾಖಂಡದ ಡೆಹರಾಡೂನ್‌ ಗೆ ಮೊಬೈಲ್‌ ಫೋನ್‌ ಗಳನ್ನು ಪೂರೈಸಲು ಗೊತ್ತುಪಡಿಸಲಾಗಿತ್ತು. ಕಳೆದ ಎಪ್ರಿಲ್‌ 9ರಂದು ಈ ಮೊಬೈಲ್‌ ಫೋನ್‌ಗಳನ್ನು ಡೆಲಿವರಿ ಮಾಡಲಾದಾಗ 64 ಹ್ಯಾಂಡ್‌ಸೆಟ್‌ಗಳು ನಾಪತ್ತೆಯಾಗಿದ್ದವು. ಇದನ್ನು ಅನುಸರಿಸಿ ಎಫ್ಐಆರ್‌ ದಾಖಲಿಸಲಾಗಿತ್ತು. 

ಅಂದಿನಿಂದ ನಾಪತ್ತೆಯಾಗಿದ್ದ ಟ್ರಕ್‌ ಚಾಲಕ ದೇವೇಂದ್ರ ಕುಮಾರ್‌ ಪೊಲೀಸರು ವ್ಯಾಪಕ ಶೋಧದ ಬಳಿಕ ನಿನ್ನೆ ಗುರುವಾರ ಆತ ಕದ್ದ ಮೊಬೈಲ್‌ ಫೋನ್‌ಗಳನ್ನು ಮಾರಲು ಯತ್ನಿಸಿದ ಸಂದರ್ಭದಲ್ಲಿ ಸೆರೆ ಹಿಡಿಯಲಾಯಿತು ಎಂದು ಸರ್ಕಲ್‌ ಆಫೀಸರ್‌ (ಸಿಓ) ರಾಜೀವ್‌ ಕುಮಾರ್‌ ಸಿಂಗ್‌ ತಿಳಿಸಿದರು.