ಲಿಬಿಯಾ ವೈಮಾನಿಕ ದಾಳಿಗೆ 30 ಬಲಿ

ಕೈರೋ: ಲಿಬಿಯಾದ ರಾಜಧಾನಿ ಟ್ರಿಪೋಲಿ ನಗರದ ಮಿಲಿಟರಿ ಅಕಾಡೆಮಿ ಮೇಲೆ ನಡೆದ ವೈಮಾನಿಕ ದಾಳಿಗೆ ಕನಿಷ್ಠ 30 ಮಂದಿ ಬಲಿಯಾಗಿದ್ದಾರೆ. ಶನಿವಾರ ರಾತ್ರಿ ಈ ಅಕಾಡೆಮಿ ಮೇಲೆ ಬಾಂಬ್‌ಗಳನ್ನು ಸುರಿಸಲಾಗಿದ್ದು, ಕನಿಷ್ಠ 30 ಸೇನಾ ವಿದ್ಯಾರ್ಥಿಗಳು ಮೃತಪಟ್ಟಿದ್ದಾರೆ. ಈ ಪೈಕಿ ಬಹುತೇಕ ಮಂದಿ 18ರಿಂದ 23 ವಯೋಮಾನದವರು. ಅಲ್ಲದೇ 33 ಮಂದಿ ಗಂಭೀರವಾಗಿ ಗಾಯಗೊಂಡಿದ್ದು, ಚಿಂತಾಜನಕ ಸ್ಥಿತಿಯಲ್ಲಿದ್ದಾರೆ.

ಲಿಬಿಯನ್‌ ರಾಷ್ಟ್ರೀಯ ಸೇನೆ (ಎಲ್‌ಎನ್‌ಎ) ಈ ಕೃತ್ಯ ನಡೆಸಿದೆ ಎಂದು ವಿಶ್ವಸಂಸ್ಥೆ ಬೆಂಬಲಿತ ಇಲ್ಲಿನ ಸರಕಾರ ಆರೋಪಿಸಿದೆ. ಇಲ್ಲಿನ ಸರಕಾರ ಹಾಗೂ ಎಲ್‌ಎನ್‌ಎ ನಡುವೆ ಘರ್ಷಣೆ ಸಾಮಾನ್ಯ ವಾಗಿದ್ದು, ಇತ್ತೀಚೆಗೆ ಇದು ತೀವ್ರ ಸ್ವರೂಪ ಪಡೆದಿತ್ತು.