ಪತ್ನಿಯ ಸಹೋದರಿ ಜತೆ ಓಡಿ ಹೋದ ಪತಿ:ಫೋನ್‌ನಲ್ಲಿ ತ್ರಿವಳಿ ತಲಾಕ್‌

ನೋಯ್ಡಾ : ತನ್ನ ಸಹೋದರಿಯೊಂದಿಗೆ ಓಡಿ ಹೋದ ತನ್ನ ಪತಿ ತನಗೆ ಫೋನ್‌ನಲ್ಲಿ ಮೂರು ಬಾರಿ ಉಚ್ಚರಿಸುವ ಮೂಲಕ ತನಗೆ ತಲಾಕ್‌ ನೀಡಿದ್ದಾನೆ ಎಂದು ಮಹಿಳೆಯೋರ್ವರು ದೂರು ನೀಡಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.

ಕಳೆದ ವರ್ಷ ಆಗಸ್ಟ್‌ ನಲ್ಲಿ ಸುಪ್ರೀಂ ಕೋರ್ಟ್‌, ತ್ರಿವಳಿ ತಲಾಕ್‌ ಮೂಲಕ ವಿಚ್ಛೇದನೆ ನೀಡುವುದು ಅಸಾಂವಿಧಾನಿಕ, ಅಸಿಂಧು ಮತ್ತು ಕಾನೂನು ಬಾಹಿರ ಎಂದು ಹೇಳಿತ್ತು.

‘ನನ್ನ ಪತಿ ನನ್ನ ಸಹೋದರಿಯೊಂದಿಗೆ ಓಡಿ ಹೋಗಿ ನನಗೆ ಫೋನ್‌ ಮೂಲಕ ತ್ರಿವಳಿ ತಲಾಕ್‌ ನೀಡಿದ್ದಾನೆ’ ಎಂದು ಮಹಿಳೆಯೊಬ್ಬಳು ಕೆಲವು ತಿಂಗಳ ಹಿಂದೆ ದೂರು ನೀಡಿರುವುದಾಗಿ ದಾದ್ರಿ ಪೊಲೀಸ್‌ ಠಾಣಾಧಿಕಾರಿ ರಾಮ್‌ ಸೇನ್‌ ಸಿಂಗ್‌ ತಿಳಿಸಿದ್ದಾರೆ.