Trikkaripur ಕೊಲೆ ಪ್ರಕರಣ- ಒಂದನೇ ಆರೋಪಿಗೆ ಜೀವಾವಧಿ ಸಜೆ

ಕಾಸರಗೋಡು: ಚೆರ್ವತ್ತೂರಿನ ಹೋಂ ನರ್ಸಿಂಗ್‌ ಸಂಸ್ಥೆಯನ್ನು ನಡೆಸುತ್ತಿದ್ದ ತೃಕ್ಕರಿಪುರ ಒಳವರದ ರಜನಿ (35) ಕೊಲೆ ಪ್ರಕರಣದಲ್ಲಿ ಒಂದನೇ ಆರೋಪಿ ನೀಲೇಶ್ವ‌ರ ಠಾಣೆ ವ್ಯಾಪ್ತಿಯ ಸತೀಶನ್‌ (41)ಗೆ ಜೀವಾವಧಿ ಸಜೆ, 1 ಲಕ್ಷ ರೂ. ದಂಡ ಹಾಗೂ ಸಾಕ್ಷಿ ನಾಶಗೊಳಿಸಿದ್ದಕ್ಕೆ ಐದು ವರ್ಷ ಕಠಿನ ಸಜೆ, 1 ಲಕ್ಷ ರೂ. ದಂಡ, ದಂಡ ಪಾವತಿಸದಿದ್ದಲ್ಲಿ ಮೂರು ವರ್ಷ ಕಠಿನ ಸಜೆ ಅನುಭವಿಸಬೇಕು ಎಂದು ಕಾಸರಗೋಡು ಜಿಲ್ಲಾ ಸೆಶನ್ಸ್‌ ನ್ಯಾಯಾಲಯ(ಪ್ರಥಮ) ತೀರ್ಪು ನೀಡಿದೆ.

ಈ ಪ್ರಕರಣದ ಎರಡನೇ ಆರೋಪಿ ಚೆರ್ವತ್ತೂರು ಮದರ್‌ ಥೆರೆಸಾ ಚಾರಿಟೇಬಲ್‌ ಟ್ರಸ್ಟ್‌ನ ಮಾಲಕ, ಮಾಹೆ ಠಾಣೆ ವ್ಯಾಪ್ತಿಯ ನಿವಾಸಿ ಬೆನಡಿಕ್ಟ್ ಯಾನೆ ಬೆನ್ನಿ(48)ಗೆ ಸಾಕ್ಷಿ ನಾಶಪಡಿಸಲು ಜತೆಯಾದ ಕಾರಣಕ್ಕೆ ಐದು ವರ್ಷ ಕಠಿನ ಸಜೆ ಹಾಗೂ 1 ಲಕ್ಷ ರೂ. ದಂಡ ವಿಧಿಸಿದೆ. 2014ರ ಸೆ. 12ರಂದು ಘಟನೆ ನಡೆದಿತ್ತು. ಚಂದೇರ ಪೊಲೀಸರು ಪ್ರಕರಣ ದಾಖಲಿಸಿದ್ದರು.