ಹೋಬರ್ಟ್‌ ಟೆಸ್ಟ್‌ : ಹೆಡ್‌ ಸೆಂಚುರಿ; ಚೇತರಿಸಿದ ಆಸೀಸ್‌

ಹೋಬರ್ಟ್‌: ಕೊರೊನಾದಿಂದ ಚೇತರಿಸಿಕೊಂಡ ಟ್ರಾವಿಸ್ ಹೆಡ್‌ ಶತಕವೊಂದನ್ನು ದಾಖಲಿಸಿ ಆ್ಯಶಸ್‌ ಸರಣಿಯ ಹೋಬರ್ಟ್‌ ಟೆಸ್ಟ್‌ ಪಂದ್ಯದ ಮೊದಲ ದಿನ ಆಸ್ಟ್ರೇಲಿಯವನ್ನು ತಲೆಯೆತ್ತಿ ನಿಲ್ಲುವಂತೆ ಮಾಡಿದ್ದಾರೆ.

12 ರನ್ನಿಗೆ 3 ವಿಕೆಟ್‌ ಕಳೆದುಕೊಂಡು ತೀವ್ರ ಸಂಕಟದಲ್ಲಿದ್ದ ಆಸೀಸ್‌, 6 ವಿಕೆಟಿಗೆ 241 ರನ್‌ ಗಳಿಸುವಲ್ಲಿ ಯಶಸ್ವಿಯಾಗಿದೆ. ಮಳೆಯಿಂದಾಗಿ ಮೊದಲ ದಿನದಾಟದಲ್ಲಿ 59.3 ಓವರ್‌ ಆಟವಷ್ಟೇ ಸಾಗಿತ್ತು.

ಇದನ್ನೂ ಓದಿ:ಬಿಪಿನ್ ರಾವತ್ ಹೆಲಿಕಾಪ್ಟರ್‌ ದುರಂತಕ್ಕೆ ಪ್ರತಿಕೂಲ ಹವಾಮಾನವೇ ಕಾರಣ!

ಹೆಡ್‌ 101 ರನ್‌ ಬಾರಿಸಿ ಇಂಗ್ಲೆಂಡ್‌ ಬೌಲರ್‌ಗಳ ಮೆರೆದಾಟಕ್ಕೆ ತಣ್ಣೀರೆರಚಿದರು. 113 ಎಸೆತಗಳ ಈ ರಂಜನೀಯ ಆಟದಲ್ಲಿ 12 ಬೌಂಡರಿ ಒಳಗೊಂಡಿತ್ತು. ಇದು ಹೆಡ್‌ ಅವರ 4ನೇ ಟೆಸ್ಟ್‌ ಸೆಂಚುರಿ.

ಸಂಕ್ಷಿಪ್ತ ಸ್ಕೋರ್‌: ಆಸ್ಟ್ರೇಲಿಯ-6 ವಿಕೆಟಿಗೆ 221 (ಹೆಡ್‌ 101, ಗ್ರೀನ್‌ 74, ಲಬುಶೇನ್‌ 44, ರಾಬಿನ್ಸನ್‌ 24ಕ್ಕೆ 2).