ವಾಹನಗಳ ಹಸ್ತಾಂತರ

ಬೆಂಗಳೂರು: ಯೋಜನಾ ಹಾಗೂ ಸಾಂಖೀಕ ಇಲಾಖೆಯ ವ್ಯಾಪ್ತಿಯಲ್ಲಿ ಬರುವ ಆರ್ಥಿಕ ಮತ್ತು ಸಾಂಖೀಕ ನಿರ್ದೇಶನಾಲಯದ ಅಧೀನದ ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿಗಳ ಬಳಕೆಗೆ ಖರೀದಿಸಲಾದ ವಾಹನಗಳನ್ನು ವಿಧಾನಸೌಧದ ಮುಂಭಾಗದಲ್ಲಿ ಸೋಮವಾರ ಯೋಜನೆ ಮತ್ತು ಸಾಂಖೀಕ ಸಚಿವ ಎಂ.ಆರ್‌. ಸೀತಾರಾಂ ಹಸ್ತಾಂತರಿಸಿದರು.

ಬೆಳೆ ಕಟಾವು ಪ್ರಯೋಗಗಳು, ವಾರ್ಷಿಕ ಕೈಗಾರಿಕಾ ಸಮೀಕ್ಷೆ, ರಾಷ್ಟ್ರೀಯ ಮಾದರಿ ಸಮೀಕ್ಷೆ ಮತ್ತಿತರರ ಕಾರ್ಯಗಳನ್ನು ಕೈಗೊಳ್ಳಲು ಜಿಲ್ಲಾ ಸಂಖ್ಯಾ ಸಂಗ್ರಹಣಾಧಿಕಾರಿ ಗಳಿಗೆ ವಾಹನಗಳು ಬೇಕು. ಆದರೆ, ಕಳೆದ 20 ವರ್ಷಗಳಿಂದ ಹೊಸ ವಾಹನಗಳ ಖರೀದಿ ಆಗಿರಲಿಲ್ಲ. ಈ ಹಿನ್ನೆಲೆಯಲ್ಲಿ ವಾಹನಗಳು ಇಲ್ಲದ ಬೆಂಗಳೂರು ಗ್ರಾಮಾಂತರ ಸೇರಿದಂತೆ ಕೆಲವು ಜಿಲ್ಲೆಗಳಿಗೆ 2017-18ನೇ ಸಾಲಿನಲ್ಲಿ ಖರೀದಿಸಲಾದ 10 ವಾಹನಗಳನ್ನು ಸಚಿವರು ಜಿಲ್ಲೆಗಳ ಉಪಯೋಗಕ್ಕೆ ಹಸ್ತಾಂತರಿಸಿದರು.