ದ್ವಿಚಕ್ರ ವಾಹನಕ್ಕೆ ಟ್ರ್ಯಾಕ್ಟರ್‌-ಟ್ರಾಲಿ ಢಿಕ್ಕಿ: ಸಹೋದರಿಯರ ಸಾವು 

ಬಾರಾಬಂಕಿ, ಉತ್ತರ ಪ್ರದೇಶ : ಇಲ್ಲಿನ ಲಕ್ನೋ – ಫೈಜಾಬಾದ್‌ ಹೈವೇಯಲ್ಲಿ  ದ್ವಿಚಕ್ರ ವಾಹನಕ್ಕೆ ಟ್ರ್ಯಾಕ್ಟರ್‌ ಟ್ರಾಲಿಯೊಂದು ಢಿಕ್ಕಿ ಹೊಡೆದ ಕಾರಣ ಸಹೋದರಿಯರಿಬ್ಬರು ಮೃತಪಟ್ಟ ದಾರುಣ ಘಟನೆ ವರದಿಯಾಗಿದೆ.

ಮೃತ ಸಹೋದರಿಯರನ್ನು ಫ‌ರ್‌ಹೀನ್‌ ಬಾನೋ (18) ಮತ್ತು ಸಬ್ರಿàನ್‌ (20) ಎಂದು ಗುರುತಿಸಲಾಗಿದೆ. ಈ ಸಹೋದರಿಯರಿಬ್ಬರೊಂದಿಗೆ ಆಫ್ರೀನ್‌ ಎಂಬ 3ನೇ ಹುಡುಗಿ ಕೂಡ ದ್ವಿಚಕ್ರ ವಾಹನದಲ್ಲಿದ್ದು ಆಕೆಗೆ ಗಂಭೀರ ಗಾಯಗಳಾಗಿವೆ. 

ಪೊಲೀಸರು ಟ್ರ್ಯಾಕ್ಟರ್‌ – ಟ್ರಾಲಿಯನ್ನು ವಶಪಡಿಸಿಕೊಂಡಿದ್ದಾರೆ. ಪರಾರಿಯಾಗಿರುವ ಚಾಲಕನಿಗಾಗಿ ಶೋಧ ಕಾರ್ಯ ನಡೆಸುತ್ತಿದ್ದಾರೆ ಎಂದು ತಿಳಿದು ಬಂದಿದೆ.